التجمع 120 للمقبلات على الحقن المجهري وأطفال الأنابيب

اول مره ماسويت اَي شي ولا حصنت نفسي ولا ارقيت نفسي والله وبدون مبالغه انه اول غفوة خذيتها حلمت حلم خايس حلمت بوحده دزتني وكل مانمت أحلام تروع كانت فترة الانتظار عبارة عن كوابيس حسبي الله وكفى وجاتني الدوره في ايّام الانتظار 😩😩😩
وبعد مافشلت وارتحت نفسياً رحت لشيخ في السعوديه ورجعت داومت على الرقيه فتره والعلاج ووقفت لاني تعبت جيت ابي أعيد المحاوله الهرمونات تخربطت شوي نطرت شهر شهرين الشهر الثالث خذيت دواء برجلتون ورحت لنفس الشيخ اروح السعوديه وارجع في نفس اليوم رحت عطاني علاج بقولج شنو عطاني ماي سدر كراتين اسبح فيه لمدة أسبوع والأسبوع اللي بعده اتنقع فيه لمدة عشرين دقيقه وعطاني صبخه للرحم ريحتها شينه احطها على بطني من تحت لمدة ساعه وكان في هالساعه اقرأ على نفسي الرقيه فيه عندج رقية السدحان او تسمعين رقية الحبشي وترددين وراه وكنت اتدهن بزيت زيتون مقري فيه مع حبة البركة ومن عندي جبت مسك اسود من عند القرشي وقريت فيه واضفتة لزيت الزيتون كنت كل صبح على فكة الريق أحط سبع نقاط زيت حبة البركة مقري فيها في كوب حليب واكل ملعقة عسل مقري فيه مع حبة البركة طبعاً فترة العلاج أحلام بايخه اعوذ بالله من الشيطان الرجيم جاهدت نفسي عالاقل اكمل لمدة أسبوعين او ثلاثه على هالعلاج وبعدين بس اكمل على على زيت الزيتون المقري فيه فقط لانه شوي متعب
بس فحصت لقيت الهرمون رجع طبيعي بفضل من الله
بعدها استمريت على زيت الزيتون المقري فيه والعسل بس وكنت اقراء اذكاري والصبح اقراء او اسمع سورة الصافات والليل قبل النوم المعارج والجن والرحمن والمعوذات أكررها كنت اقراء رقية السدحان يومياً وإثراء آيات الأرحام والمس والحمل لين حملت وانا مستمره على هالعلاج لين بداء الوحام كرهت ريح الزيت ووقفت واكتفيت بالرقيه والأذكار

آسفة عالاطاله بس اول مره أتكلم بالتفصيل عن العلاج بالرقيه

الله يرزق الجميع

الله يجزاك خير يا قلبي ..
مفيدة دائما لا خلا ولا عدم

اه صراحه انا اتابعه رائع

اكيد لازم يشوف وضعك قبل التحفيز ولازم سونار

انا يابنات في كل مره ارجع فيها مدري ليش أكون نايمه بس مو مرتاحه وأحيانا أحس اني وقعت وفعلا زوجي يصحى ويحس عليه مادري شو سالفة الاحلام وماتجيني إلا بالارجاع