اخوي واخوان حرمته

مااجمل احساسهم وطيب قلوبهم. جدا رائعين.
اكيد ان زوجة اخوكي مشهوره بقسوتها وهم خايفين منها .. طيب صراحه ليه ماتخلوهم فعلا يعيشو عن احدى الخالات الخاله اللي بلبنان افضل وفيه انسجام بين البلدين ف بيعيشو بأمان مو زي السودان غربه ومختلفه اماما عننا. ريحو قلوبهم والله مافي احن منهم عليهم. حرام دولا ايتام لا تأخذكم العزه وتقسون عليهم وتقولون سعوديين ويعيشون عند خوالهم برا. ترا مافيها شي مررررا عادي ولا هو يناقض الرجوله ابدا. وخلي ابوهم يكلمهم مكالمات فيديو كل يوم. نصيحه محد بيحبهم زيهم

زوجة اخوي مو قاسية
بالعكس طيبة ورحيمة مع الناس
بس اختي تخاف انها تقلب على العيال وتطلع حرتها فيهم وخصوصا انها كانت تغار من امهم كثير
الاب رافض تماما موضوع انهم يبعدون عنه حتى عند امي وابوي رافض ومايسكنون الا عنده
وابوهم حنون عليهم وكان احن واحد على الام حتى اكثر من اخوانها
انا مقدرة احساسهم وطيبتهم بس بنفس الوقت الاب رح ينكسر اذا بعدوهم عنه
وابوهم اولى فيهم وخصوصا انه عنده خير ورح يعيشهم بعز ودلال ويعوضهم عن فقدان امهم
اعوذ بالله انه نقسى عليهم ذولي يتامى وامانة وامهم موصية فيهم وصدقيني انهم كاسرين قلبي كل ما اشوفهم
وما اتوقع حرمة اخوي بتعذبهم او بتسوي لهم شي يوم يروحو عندها

الله يرحمها يارب ويجعل ما أصابها تكفير لها
حبيبتي أكيد يجلسون عند أبوهم
مافي أحد يتحمل مسؤوليتهم ولا يحبهم زي أبوهم
لوالأب متوفي لاقدر الله نقول يروحون لأهل امهم
لكن الأب موجود ليش يروحون لبلد غريب عليهم
مايكفي فقدوا امهم
حرام أبوهم يتخلى عنهم في فتره صعبه زي كذا
إذا راحوا بيتغير عليهم بيتهم والأهل و المدرسه والاصدقاء ويمكن يتنمروا عليهم أساسا نفسيتهم لساتها هشه
خلي الأب يزيد اهتمامه فيهم وإذا زوجه اخوك الاولى مو متقبلتهم او تحسونها مارح تحن عليهم يعيشون عند جدانهم ويخصص لهم شغاله

زوجه الاب مامنها امان ابدا وشي هذا تاكدت منه يوم حرمه جيرانا كل يوم تعذب اولاد ضرتها وتخليهم مثل خدم تضربهم ضرب مبرح وتسبهم وتسب امهم وذا جاء زوجها تكون ساكته وهاديه حسبي لله عليها

المشكلة انها عشرة عمر وقريبتنا واخلاقها وانسانيتها مشهود لها قدام الناس
ما اتوقع انها بتسوي فيهم كذا
وبنفس الوقت اذا كانت كءا اخوي ماتمر عليه امور مثل هذي
واحنا صاحيين وقاعدين لها

بسألك والحين جارتكم وش صار عليها