شاركي في النقاش

سجلي الدخول لإضافة تعليق.

التعليقات

239
  1. @am_aylan_1

    ماشاءالله تبارك الله تسلم يدينك اختي
    اكلكم دائما شهي حبيبتي انا لمن اروح للمطعم انجن على مشاويكم
    كيف بالله تعملوا كباب الدجاج اللي يكون فيه نكهة الفليلفه الحمرا وكيف تكون متماسكه..
    عن جد مليت نفسي اتعلم عليها وكمان تتبيلة مشاويكم اذا ماعندك مانع ياليت تعلميني عليها
    اسفه على الازعاج
  2. صاحبة الموضوع
    الله يسلمكم يا صبايا كلكم ذوق والله
    هلا ححاول اليوم حط معظم الاكلاات بالترتيب مشان تضيف ام علاء العزومة للقسم المثبت

    ابدا بطلب الاخت عن الفول المدمس وهي اسهل شي
    تسلقي الفول او تجيبيه جاهز للمدمس بس بدون تتبيلة بس مسلوق ..تجهزي عصير ليمون وتخلطيه مع ثوم مدقوق وتقطعي بندورة مربعات صغيرة وانا هدول قطعتهم يوم العزيمة بكييير اول ما فقت حتى ما يعطلوني عن امور اهم لانه لحالي كنت عماشتغل بالاكل مافي مجال كان يومها اخواتي يساعدوني وعصرت الليمون كمان من الصبح للتبولة والفول
    المهم لما تجيبي الفول مسلوق ترجعي تسخنيه عالنار بمرقته حتى تطمني انه حاار جدا مو طيب اذا صار دافي وتزبطي الملح ويكون في بقدونس مفرومة تحطيها فوق الفول وتحطي البندورة وتصبي فوقهم الحمض والثوم وبالاخر جيبي الزيت يممممم وصبيه فوقها غرقي الصحن يطلع لك فول ممممم وصحة وهنا
  3. صاحبة الموضوع
    هلا الشوربة يا صبايا بس انا مشكلتي ما بحسب المقادير بالطببخ انما بالنظر بقدر اني قدر شو لازم كمية حسب الاشخاص الموجودين وحسب الوجبة
    وهي الشوربة هي لا غنى عنها ابدا مع الكبة دائما نعملها رديفة للكبة
    تسلقي عدس احمر وليس صحيح عدسة كاملة انما يجي لونه احمر وصغير نسلقه ونكون ناقعين برغل ولما يستوي العدس نزبط ملحهو بسقط البرغل مقدار كاسة لطنجرة فيها تقريبا كاستين عدس فلما يستوي البرغل تضيفي لهم لحمة مقلية كمية حسب الوجبة فلما تخلطيهم سوا وتخلصي تلحقي تضيفي تقريبا كاسة رز انا بضيفها كاسة صغيرة جدا اصغر من كاسة الشاي العادية حتى وتحطي عصفر بالاخر وهو يعطي اللون الاحمر على اصفر للشوربة وانا لما خلصت عملت متل المطاعم جبت الشوربة وضربتها بالخلاط حتى تطلع لزجة متل الكريمة واسهل مع الكبة للاكل واي استفسارات تكرم عيوووونكم يا صبااايا
  4. صاحبة الموضوع
    هلا نجي للدجاج بالخضار وهي انا بفضلها بالعزائم لانها طبخة لذيييذة ونفس الوقت ما تحتاج شغل حتى تقدري تستغلي الوقت بغير اكلات وخاصة لو عزائمك تشتغلي فيها لحالك متلي
    من الصبح اول ما فيق بكير بجهز الخضار وبقطع جزر وفليفلة خضراء وبطاطا وبصل وفطر والخضار الموجودة يلي ممكن تضاف وبعضر تقريبا كيلو ليمون وبجيب الدجاج بليفه وبنظفه وبمسك السكين وبعمل خط بكل قطعة دجاج حتى لما غرقها بالتوم انها تشرب الليمون تماما لداخل اللحم
    بعد ما نظفت الدجاج بحطهم بطبق كبير وبحط فوقهم الخضراوات كلها والفطروبجيب الليمون وبصبه فوقهم كلهم برجع بجيب زجاجة حد وهي من نوع الفليفلة الحمراء تجي سائل يعطي حدودية للطعام وبحط لهم كمية كبيرة حتى يصير حد تماما وبذوق المرقة لزبط الحد متل ما بحبه .وبحط بعدين فلفل وبهارات الكاري وانواع من البهارات يلي تضاف للحمة ..بخلص وبحطهم بالبراد من الصبح لقبل وقت الموعد بساعة ونص تقريبا بطلعهم وبلف الصينية بورق قصدير متل ماهيي مع مرقتها وبحطهم على الغاز بنار هادئة تقريبا تلت ارباع الساعة نار عادية لا قوية ولا خفيفة ...وبتركهم حتى اتطمن انه استوى الدجاج تماما وبعرف انه استوى من الجزر باعتباره اقسى شي لازم يكون كل الخضار مستوية تماما
    ولما تخلص بطلعها بتركها ملفوفة لوقت تقديمها لانه الدجاج مو طيب غير حااار جدا فممكن ياكلوا الضيوف الشوربات والسلطة ومقبلات بعدين نفتح عن الدجاج وياكلوا تاااازة وصحة وهنا لقلوب كل الصبااايا

تابعي تجارب أخرى من هذا القسم.