🤱🏻✨التباشير 7 لحوامل ( يناير & فبراير )✨🤱🏻2019

الله يسهل عليك ويكتبلك ساعة السلامة يارب

امين الله يكتبلك الطلق الطبيعي وييسر ويسهل عليك

ويسعد قلبك يارب

مساء الخير 💜
اخباركم
صراحه ماتوقعت بنشغل عنكم كذا
مر اسبوع ماحسيت فيه الحمدلله
علشان ببيتي ومدارس
الف مبروك للي ولدو ❤️
الحمدلله ع سلامتكم ومبروك ماجاكم
ان شاءالله ارجع نفس قبل ويكون معي وقت

مساء الوردكروشات وامهات شكرًا للكل وحدة تحمدت لي السلامة وباركت لي وعقبال باقي الكروشات الحلوات يا رب يسهل عليهم جميع ويرزقكم الولادة السهلة اليسيرة
والحين بكتب لكم اكشني الحلو السهل 😅
طبعًا مثل ما خبرتك قبل كان عندي نزول في المشيمة وبين كل كم اسبوع تعطيني الدكتورة اعنل اشعة تفصيلية تتأكد من وضعها اذا ارتفعت او لا وكان اخر اشعة قالت لي الاسبوع ال٣٦ وكان عندي موعد تاريخ ٣٠ يناير فرحت عملو لي تخطيط وتحليل بول واخذت عينة وخبرتني اعمل اشعة تفصيلية ال 3D& 4D المهم طلعت ودايركت رحت قسم الاشعة وكان يوم الاربعاء وقلت لهم ابي موعد قريب اذا في بكرة الخميس كويس فقالو لي تعالي بنخليكِ بين المواعيد وثاني يوم طرت من الصبح وصل زوجي عيالي المدرسة وطرنا المهم رحت وما انتظرت كثير لان رحت بعد فتحوا بنص ساعة 😅 مستعجلة دخلت وبدأت الاخصائية تحوس بهالسونار امامي شاشة تلفزيون وتروايني كل جزء في البيبي
طبعًا من خلت على الراس قالت صغير وايد وظلت بس تسال متى اخر دورة ومتأكدة من الدورة ووو .... الخ المهم كملت وشافت ان البيبي وايد صغير يعني كنت ٣٧ اسبوع بس يعطي قياسات ٣٤ اسبوع فقط
وفجأة مرة وحدة سكتت وظلت تعيد وكل شوي تبدل في عصا السونار مرة تحط ملون ومرة اسود انا هنا قلبي عورني فسألتني عن موعدي مع دكتورتي اذا اليوم او لا فهبرتها بعد اسبوع فقالت بتتصل فيها فسألتها اذا في شي فقالت ان في مشكلة في الحبل السري وان تدفق الدم فيه بطئ طبعا ما قالت كل شي فقالت بتخبر الدكتورة وهي بتتصل لكم
المهم رجعت البيت وبعد ساعتين جا زوجي اتصال ان لازم اروح المستشفى واخذ ابرة العصر ويوم ثاني الصبح اللي هو الجمعة اروح اخذ ابرة ثانية وبعدها طلق صناعي وولادة
انا هنا انصعقت شلون كذا مرة وحدة فجأة ما يصير مو مستعدة نفسيا
المعم رحت اخذت الابرة ودخلت عند الدكتورة وخبرتني عن الحبل السري وان الماي ناقص والبيبي صغير والمشيمة لستها نازلة ولازم اولد لان مو في صالح البيبي
توكلت على الله واخذت الابرة وعملو لي تخطيط وقالت بتجيك اذا الرحم فاتح او لا فطلع مو فاتح وفتحت لي ٢ سم
ورجعت البيت وقالت لي اذا نزل ماي او جاكً الم تعالي على طول
طبعا ظليت كل الليل على قلق وما عرفت انام لحد الفجر سبحت وجهزت اغراض وطلعت المستشفى وصلت اخذت ابرة وبعدها بساعة خلو لي طلق نص حبة وعقب ساعة ونص بدأت الالم تجيني وطلبت ابرة ظهر بس رفضوا لان ما صار مجال اشوف الاستشاري وطلبت كمام زاد الم الطلق وجت الدكتورة تجيك والا وصل ٥ سم وعلى طول غرفة الولادة ومن كثر الالم طلبت ابرة تخفف الالم بس رفضوا لان قالو ما تصلح في وضع ما بتخلي البيبي يصيح
وما شاء الله الدكتورة حلوة وساعدتني كثير جيكت وكان بعده ٥ سم فتحت كيس الماي فوسعت الى ٧ سم بكل راحة وخفة ما شاء الله في الم بس مو زي كل مرة والكمام ساعدني كثير وهي كمان قالت لي راح اساعدك لا تخافي وبتشوفي كيف ولادتك بتكون سهلة وبعدها جيكت و وصلته ل١٠ منشان تساعد البيبي لان زاد الم الطلق وهو صغير وشوي الا حبيبي بين راسه وصرخ يبيكي قبل يطلع الراس كله مستعجل فقالت لي وقفي دفع وطبعاًا ما قدرت ما ادفع فهي تصرفا وسحبته بسرعة وظل يبكي ويبكي وخلوه على صدري حبيبي كان تتفة صغيرون من الفرحة بكيت لأني كنت خليفة واحاتي يصيده شي بس الحمدلله الله حفظه وسلمه وقر عيوني بشوفته
وزنه صغير كيلوين و١٧٠ غرام قالو لي احتمال يحتاج حضانة بس الحمدلله ما احتاج
الف الحمد والشكر لك ربي على هالنعمة .
ادري طولت عليكم
بس نصيحة لا تشيلوا هم وتفكروا كثير في الولادة متى ما الله كتب بتتيسر الامور وكل واحد ما يجي الا في يومه بس اطلبوا من الله التساهيل والسلامة