Acne aid منتج بصورته ممكن تجاوبوني الله لايهينكم :) :)
متابعة النقاش، صفحة 3
شاركي في النقاش
سجلي الدخول لإضافة تعليق.
التعليقات
22- : )
- انا بعد توني بديت فيها ومثل ما قالوا البنات الصابونه بيضا والكرتون فيه خط برتقالي
- طيب يا بنات هي تنفع للآثار بعد عندي اثار حبوب في ظهري؟؟
شاكرة لكم 00الظل00 طيب يا بنات هي تنفع للآثار بعد عندي اثار حبوب في ظهري؟؟ شاكرة لكم
.
هلا حبيبتي ..،
حبيت أفيدك .. بالخلفيه اللي عندي من كثر ماناقزت عند أطباء البشره :icon32: ..!
ياختي اكتشفت ان الحبوب أساسها الحاله النفسيه و الأكل وخصوصاً الشوكولاه مع انو بعض الناس ما يأثر فيهم ..!!
لأن الحين بعد ماتخرجت خفت عن قبل الحمدلله والشكر ومافيه مقارنه " ماشاء الله " ..‘
لأني من النوع اللي يضغط نفسه مرره مررره واشيل همّ وافكر كثيييير أيام الاختبارات فتطلع لي بلاوي !
وترووح بعد مااخلص وبعدين ترجع وهلم جرا ..
بس راح أفيدك مثل ما أفدت وحده من البنات قبل .. عن اللي عطوني اياه "عيادات ديرما" ..،
انا تنقلت بين عبدالله العيسى واحمد العيسى و فاطمه الشهري :icon20:
وهذي علاجاتهم ..
.
.
رحت للدكتور د.عبدالله العيسي واستخدمت معاه حبوب الروكاتين لمدة ( سنه كامله ) .!
وش اسوي ؟ رغم اني ادري بخطورتها على الجسم بس عاد من يبي الدح مايقول آح ,
كان ممتاز الله يذكره بالخير .. لا تعامل ولا علاج ..‘
المهم انها راحت وقتها الحمدلله ......... لكن !
يوم صرت بـ خامس جامعه مع الضغط وصعوبة قسمي رجعت بشكل فضيع + لعبت على نفسي وسويت شمع لوجهي .!
وانصدمت بصراحه واحبطت ورجعت للعياده ورفضت ادخل على عبدالله على بالي انه هو السبب :icon31:
الله يحللني منه بس :frown:
المهم دخلت على اخوه د.احمد العيسي لانهم مدحوه لي..
قالي انتي حالتك استثنائيه ومايجي منها الا 15% ..!!
لاحظي النسبه يقول بالعاده اذا اخذ الواحد كورس كامل بالروكاتين نااادرا ماترجع الحبووب بهالشكل يعني ملتهبه مرره مهيب عاديه !
المهم قالي تبين اعالجك ماعندي الا روكاتين والا امسكي الباب :icon32: !!
قلت الشكوى لله نرجع له .. الله يجعله شفاء هالمره من دوون رجعه .!
الآن تميت مع احمد تقريباً سنه و زياده ,
بس اول ماتبدين بالحبوب طبيعي تطلع كل الحبوووب اللي تحت الجلد ويصير كأن فيك عنقز : )
بعدين تبدأ تخف لين ماتختفي الحبوب ويصير فيه وحده والا ثنتين صغار مرره بعدين مايبقى الا الآثار .,
يقولي دكتور احمد ان الناس يحسبون الروكاتين علاج" للحبوب + الآثار "
يقول هذا اعتقاد خاطيء لان الروكاتين علاج فقط للحبوب و الاثار السطحيه جداً فقط اما الاثار القديمه من الحبوب ماتروح الا بالتقشير ..
والجرعه تختلف من شخص لآخر حسب الوزن زي مافهمت من كلامه ..‘
يعني يعطونك الجرعه اللي تكفيك وهم فاهمين بهالشيء ومتى المفروض يوقف او يقلل الجرعه ..
بس لازم يكون فيه تحليل كل فتره عشان يخافون على الجسم احيانا من تأثير الحبوب خصوصا اذا كانت المريضه بدينه ..!
بصراحه يوم كنت مع عبدالله كان كل زياره له يحلل لي عشان يتطمن اما احمد يقول لاااااااا وشوله انتي ماخاف عليك ان شاء الله الخوف من البدينه فقط ..
مدري وش الحكمه بصراحه .؟
المهم بالنسبه للخطوه الثانيه هي التقشير رفض رفض قااااااااااطع انو يسويه لي وذكرت هذا قبل ..
يقولي مافيك آثار تستدعي التقشير !
وهزئني وخلاني ما أسوى خلاقيني :biggthump
قالي هذا اللي عندي لك .. وبشرتك الحين هي المطلوبه .‘
اللمعه والخرابيط هذي مب عندي انا دكتور امراض جلديه وبسس : S
وقالي اشوفك بعد 6 شهور وخلاني أستمر فقط على مقشر وصابونه ..
بالنسبه للكريمات اللي عطاني اياها احمد العيسى من بديت معه للحين وانا مستمره عليها ماعدا الحبوب انتهيت من كورسي ..
وهذي صورة الكريمات كلها اللي من د. احمد العيسى \
1 - حبوب روكاتين حبه باليوم بعدين دبلها حبتين باليوم 20 غرام طبعاً ,
2 - مقشر خفيف للوجه استخدمه عند النوم على كامل الوجه اسمه \
differin adapalene gel 0.1% 30g
galderma
لونه بالصورة ابيض مع ازرق ( وسط الصورة ) ..
هالمقشر يمدحه لي مرررره يقول حتى لو مايبقى فيك ولا حبّه استمري عليه مره بالاسبوع او بالاسبوعين !!
يقول انه يقشر البشره ولا يسبب لها حساسيه انه من أفضل ما طلع حتى الآن من المقشرات التجميليه وطبي ومأمون ..
وآخره مره رحت له كنت منقطعه عن هالمقشر عشان أيام اجازات وسهرات خخخخخ
قام هزأني وقالي روحي ولا عاد اشوفك الا بعد 6 شهور من استخدامه مع الصابونه : (
وتحسبيني تأدبت والله للحين ماستخدمته ههههههههه <<< العناد يمشي فيها مليون !
3 - كريم مرطب للوجه استخدمه في الصباح اسمه \
نوترادرم كريم للجلد الجاف
nutraderm dry skin cream
وهذا انصحك فيه لانه خطيييييير واشوف كل البنات اللي أوّل معي بالشغل يستخدمونه فقط كمرطب للجلد ..
مرّه خفيف وناعم عالجلد , حتى انا بشرتي الله يشفيني ، جداً حساسه حساسيه مرضيه الحمدلله على كل حال بس هذا المرطب ياربِ لك الحمد تمام معي ,
لونه وردي مع ابيض ( يسار الصورة )
4 - مجفف للحبوب الملتهبه اللي لونها احمر احطه عليها وتلاحظين انها تنشف على طول وتروح .!
حتى انا صرت استخدمه على حبة الدورة اللي تطلع في الوجه بعد ماراحت حبوبي والاحظ انها تروح الحمدلله بشكل اسرع من قبل واسمه \
dalacin t
topical solution
لونه ابيض ومكتوب اسمه باللون الزيتي والاسود ( يمين الصورة ) ..
5 - صابونة اسمها STIEFEL acne aid
جداً جداً ممتازه ..!
لكن مع كثرة الاستخدام تلاحظين انها تجفف جسمك مرره لو ماستخدمتي معها مرطب بشكل يومي ..
على فكره ترا هالصابونة مدحتها لي قبل يعطيني اياها الدكتور وحده من عايلتنا تقول استخدمتها قبل زواجي بشهرين وراحت كل الحبوب اللي بظهرها .!
وهذي صورتها من النت لان كرتونها مهب عندي بس الصابونه ولونها ابيض اسطوانيه ..
بالنسبه للكريمات اللي عطتني اياها د.فاطمه الشهري وهي للعنايه فقط كنت رايحه لها مع أمي وقامت تنصحني الله يعافيها وعطتني اياها \\
1 - cetaphil mooisturizing cram 100g
هذا كريم مرطب حلو وشكله قريب للاول اللي عطاني اياه احمد العيسى بس قالت لي ان بشرتك مرره جافه مع العلاج ويبي لها شيء اقوى من هذاك المرطب فنصحتني بالفازلين وقلت لها بصراحه طلبك صعب انا ماواطن الفازلين خخخخخخ
قالت أجل بعطيك مرطبين واحد تستخدمينه بالعمل اللي هو هذا والثاني بالبيت وهو مرطب اثقل ملمس عالجلد !
هذا اللي بالصوره لونه وردي مع ابيض وفيه خط ازرق ( يمين الصورة ) ..
للأمانه .. هذا ماحبيته !
2 - bioscreen ginkolium
هذا الثاني الثقيل ولونه بالصوره ازرق : )
( وسط الصورة ) ..
هذا جداً رائع ويخلي جلدك نااااااااااعم مرررررااااا .. بس عاد من وين تجيبين أحد يتحمل ثقل دمه عالجلد .‘
3 - عطتني بعد غسول لانها تقول الصابونه اللي عطاك اياها احمد مع كثرت الاستخدام تنشف البشره فكتبته لي وقالت استخدميه اذا حسيتي ان بشرتك ماتتحمل ذيك الصابونه و اسمه \
vichy
laboratoires
normaderm
acne prone skin
وهو اللي لونه اخضر بالصوره .. ( يسار الصورة ) ..,
..
الحين أستخدم حبوب زهرة الربيع اللي سبق وكتبت عنها ..
وحابتها بصراحه والله ينفعني فيها ..‘
..
وبسسسسسسسسس ..!
الله يشفيك وكل بنت تبغى بشره زي البيبي : )
" دعواتكم يابعدي الله يرزقني باللي أتمناهـ من خيري الدنيا والآخره "
،
،- انا استخدمت صابونة اكني ايد لكن فيها اختلاف شوي
طلعت لي حبوب عكس بعض اللي محدوها لي ممتازه معاها
مواضيع مشابهة
تابعي تجارب أخرى من هذا القسم.