اخوي وردات فعله العنيفة

اخوي وردات فعله العنيفة
انا لي كتبت موضوع سابق عن معاناتي انا واخوي بهالحياة
المهم ان اخوي صاير له ردة فعل عنيفة مع الكل
قبل اسبوع وشوي يجيني اخوي من ابوي يقولي عاجبك الوضع يافلانة
اقوله شفيك
يقولي اخوكي قعد يضربني تحت يحسبني عامل عنده مو اخوه الكبير لي رح يدعس راسه ويعلمه كيف يتأدب مع لي اكبر منه
وجا اخوي يبرر انه ضربه عشانه ينافخ عليه وهم بالمطعم يقوله اسرع ياتافه قدام الناس وهو تفشل
طبعا يوم وصلو البيت لكمه بقوة على صدره واخوي يشكي يقولي يومين وانا قاعد اتألم من قوة اللكمة وجا عنده الغرفة يقوله انا اخوك الكبير ولي حق اني اكلمك كذا وانا اخاف عليك يافلان وتجي تضربني
وذاك يقوله انت مو اخوي ولا تعني لي شي
وذاك عصب يقوله بضربك بالعقال
واخوي يرد عليه يهدده
وذاك يحارشه يقوله ماتقدر
الين مانطق بكلمته المخيفة وقاله
والله ان ماقدرت عليك وجه ب وجه غير اخذك غدر على غفلة
واخوي من ابوي يقولي انه خاف من الكلمة هذي
حتى اختي يوم تهاوشت معاه
يقعد يهددها ب اسلوب غريب ماخذ اكبر من عمره بكثير وهو عمره لسا داخل ب ١٤ سنة
اسلوب تهديده ب اختصار اسلوب واحد مجرم ماعنده رحمة
وغير كذا اجي اقوله عمتك تبغاك يعني زوجة ابوي
يجي يعصب يقولي لاتقولي عمتي قولي زوجة ابوك بس
ويوم يرجع يقولي قاعدة منسدحة على الكنب ويقولي اشتهيت ادخل اغلي موية بالقدر واجي اسكبهم على رجولها
يقعد يرسم بخياله كيف يأذي زوجة ابوي بطرق بشعة ويقولي عليها
مرات يبغى يضربها بمطرقة حديد كبيرة على راسها ومرات يبغى يطعنها برجلها بالسكين ومرة يقولي انه كان معاها بالمطبخ وهي تطبخ وكانت تصرخ عليه يقولي جيت بشيل القدر وفيه زيت مغلي وبرميه على وجهها
وغير تقليده الدائم لتدريبات الطوارئ بالغرفة لدرجة كان مرة بيطيح وبتنكسر رقبته وما تاب
اسلوب كلامه مو طبيعي ابدا وبعض الاحيان اشوفه يعض على صبعه الين صبعه تورم والكل يلاحظ يقوله ليه صبعك كذا وهو يسكت
اغلب حقده وكراهيته متركز على زوجة ابوي وابوي
بس حرام زوجة ابوي ماتسويله شي صح انه تحارشه بعض الاحيان وتصرخ عليه
بس عمرها ماضربته ولا اهانته بشي
بعض الاحيان اقول تصرفات عادية وبعض الاحيان لااا
خايفة بالاخر يسوي مصيبة ويودينا بداهية