مساء الخير، كان عندي موعد مع القابله، وقلت لها عن الأدوية من ضمنها الدوفاستون، قالت باكلم الدكتور وجا دكتور هندي وسألني ليش اخذها؟ وقلت له الأسباب طبعا بعد استجواب من القابله عن تاريخ حياتي وتاريخ حياة اجدادي وامي متئ اَي اسبوع ولدتني وجد حدي الأكبر كيف مات... 😟
قال لي انه مافيه اَي دراسات تثبت انها تثبت الحمل، قلت طيب! قال الاسبرين خذي ١٥٠ بدل ٧٥ لان فحص الدم مع العمر واخر طفل انجبته طلع عندهم اخذ هذي الجرعه، والدوفاستون وقفيه، ماقلت شي يوم طلع قالت لي القابله لاتوقفينها لين تقابلين دكتورتك الاسبوع الجاي وهي تقول وش الأنسب، لان هذا اصلا مو دكتورك فلا تاخذين كلامه.
المهم الدوفاستون مره متعبتني بشكل ماتتخيلونه، اتصلت في دكتوره كنت اتابع عندها قبل مصريه وقلت لها كل وضعي كامل، قالت نص الرابع وقفيها خلاص لان ماعاد لها اَي دور سوا خذتيها او تركتيها، ولو خذتيها ماراح تضر بس شي راجع لك انتي..
الحين صليت استخاره ومادري أوقفها نص الرابع او انتظر نهاية الخامس،، طبعا موعدي الاسبوع الجاي ماراح اسوي الا الي انا مقتنعه فيه تماما..
ايه قالت لي القابله ان المثبتات يعطونها هنا الي مسوين انابيب، يعطونهم اول ١٢ اسبوع وخلاص يوقفونها حتئ لو فيه دم ينزل،، لان ينتهي دورها اذا ابتدت المشيمة تقوم بدور تثبيت الجنين.
وبس والله تقريبا جلست ٣ ساعات استجواب وتحليل وحاله، زين زوجي مو معاي وراح شغله ولا كان تاخر وطفش، لاني طفشت ومت جوع وخلاص كنت باطلع بدون ما اكمل
⚜️ التجمع الرابــــ 4 ـــع لـ مواليد 💙💗 ( يوليو & اغسطس ) ⚜️
متابعة النقاش، صفحة 148