كيف اقهر زوجي .. قهرني ونفسيتي تعبانه

السلام عليكم و رحمة الله و بركاته ..
ابي اقهر زوجي .. قاهرني يا ناس كاسر قلبي وكاسر روحي ..
فجأه كنت نايمه ويجهز ملابسه ويطلع اقول وين تروح يقول بسافر .. وانا موصيته يجيب اغراض ولا جاب لي فتره اوصيه ويسفه وما يجيب شي بيده لي غالباً ..
معتمد ع اهله وسافر وخلاني وانا حامل
لا تقولون وش جابرك تجلسين هذا ما يبيك .. الي جابرني اهلي ازعاج بزارين ومعي بنت .. وامي اتمشكل انا وياها وتقهرني وتعايرني بمشاكلي .. ما توقف معي .. وزوجي يوم سافر تهاوشت معه ومن قهر فيني قلت انت مو رجال وانت رخمه وضعافهً.. ثلاجتك ما فيها ذبيحه .. وهو انقهر وقال تربيتك مو تربية رجال وقام يغلط ع ابوي .. وانا طبعاً ما سكتت .. و للحين ما رجع من السفر ويهدد باشياء .. يقول تشوفين ابشري شوفي وش اسوي اذا جيت وانقلعي لبيت اهلك بتجيك ورقتك ..
بنات وربي هو مقصر معي بامور كثيره كثيره .. حقوقي واطيها وطي .. ولا يحسب لي حساب .. يقول انا رجال وبكيفي ومن متى احسب للحرمه حسساب ..
وانا يشهد ربي اني طيبه معه ومتنازله كثير ومشكلتي ما عودته من البدايه ..
اليوم وانا حامل من القهر جاني زي نوبة الغضب اهز راسي والوي ظهري .. عقلي موجود بس ابي الغضب يروح ..
وهو ولا همه عايش وفالها بالسفر
ما اقول الا حسبي الله و نعم الوكيل
انتظر نصايحكم ..
هل اقهره ؟
كيف اقهره ؟
لا تقولين دلعيه .. مدلعته لدرجة ابوس راسه .. واسوي له مساج لين تتكسر يديني .. وطلباته اوامر .. بس عقب ما غلط ع ابوي .. وانا مقهوره ومسافر ومخليني قدام الناس تتشمت ..
انصحوني كيف اعاقبه .؟
تطنيش، نقاش حاد.ضرب؟
شخصيته شمالي شرقي متطرف

40 تعليق 23,682 مشاهدة

شاركي في النقاش

سجلي الدخول لإضافة تعليق.

التعليقات

35
  1. @am_ryod_3

    الله يسخره لك يااختي كلمت انت مب رجال كبيره اتعوذي من الشيطان لاتفكرين تقهرينه ولاشي
    والكلام الي قاله لك انتي السبب
    الكلام الي ماتبينه يطلع لك ول اهلك لاتطلعينه له
    اكثري من الاستغفار بنية ان الله يسخره لك ويخليه مثل ماتتمنينه
  2. @rymyh_41

    ااح يويلك منه💔💔😭
    امزح بس خفت وانا مالي دخل
    ياربي يااختي ماكان قلتي له انت مورجال
    تخيلي زوجك يقولك انتي مو انثى انتي رجال تقهر>>
    والرسول عليه الصلاة والسلام تعوذ من قهر الرجال
    لو منك ماعاد اكلمه وهو مسافر عشان ينسى ويبرد غضبه
    استغفري من هنا لين يجي بنية التسخير والهدايه والصلاح
    وهمومك ودموعك لايدري فيها الا ربي نصيحه
    امك بتغير شي؟لا هذاها تعايرك الله يهديها
    بس ربي الوحيد الي يغير حالنا
    ويرحمنا ولايرضى علينا💘
    اسال الله العليم رب العرش العظيم انه يصلحه ويسخره لك تسخير العبد لسيده ويصلحك له💘

تابعي تجارب أخرى من هذا القسم.