شعور الإهانة صعب

السلام عليكم
بنات انا مصدومة حاسة بذل
حطي نفسك مكاني لا سمح الله وجاوبيني
لو جيتي من سفر وبيتك فاضي ولك أسبوع تطلبين زوجك يقضي للبيت وانتي أساسا كاتبة وش ناقص البيت ويماطل تصحين من النوم وتقعدين على لحم بطنك لحد مايتكرم عليك بوجبة جاهزة من المطعم وطفح كيلك وكلمتيه وهو عند زوجته الأولى قلتي كفاية نوم وروح جيب أغراض البيت >> علما انك جيتيه قبل كذا بأسلوب محترم وراقي، قال ماني نايم وش تبغين واجيب لك من البقالة اللي تفطرين به بكرة والباقي بعدين ؛ قلتي بكتبها لك؛ قال لا تكتبين شي باجيب لك توست وجبنه ادري بتكتبين فشار النوع الفلاني وجالكسي!!>> يعني ذلّك على لقمتك فوق انك صابرة على الجوع اسبوع كل يوم وجبة وحدة خفيفة "شاورما أو برغر"
بالله وش ردة فعلك وكيف تتصرفين معاه؟