شعور الإهانة صعب

انت اطلبي منه الاشياء الاساسية ولاتطلبي كماليات واكتبيها على ورقة ولزقيها على الباب وشوفي (لا تطلبي شوكولاتة او سناكات )

اصبري ان الله مع الصابرين..اذا ما جابه اليوم يجيبها بكره ..اذا يتماطل الي الحين اشوفه الحريم صارن رجال ...اذا فيه بقاله قريب ...روحي خذي مطلباتك.... من دون يعرف

يا بنت الحلال لا تردي هذا طبعهم
الكسل عند اغلب الازواج بس طولي بالك
كلنا عانينا
اعملي زيي اول شيء لا تقولي بكتبلك اكتبيها من حالك
وعلقيها على الباب ووقت يجي بيروح قولي
الورقة على الباب جيبها ضروري

وفي اسلوب افضل بدل ما تقولي جيب قولي نزلني السوق
وتبضعي بكميات كبيرة
وبالذات الاشياء اللي ما تخرب
مثلاً مكرونات اندومي رز برغل شعيرية سكر .....

اشتري كمان اكلات خفيفة شوكلاتات عصيرات بالصناديق
دجاج ولحم كميات كبيرة بالفريزر ما تخرب
انا حتى الخبز اشتريه كميات واحطه بالفريزر بسبب كسله
وكمان الصابون والمناديل كميات بالجملة

والله ارتحت عن قبل كان يجلطني
تخيلي كان بكل بقاحة مثلاً ياكل الخبز كله لحاله ووقت أجي باكل ما الاقي ولا شي
البراد فاضي
حتى الطبخ اطبخ وألاقيه اكل كل الطبخة وانا ميتة جوع ما أكلت
وأقوله قوم جيب والله ما يجيب ما يهمه عبى بطنه خلاص ما يهمه غيره
تخيلي صرت الخبز والجبن وكذا اخبيه عنه قليل الذوق
والطبخ اشيل شوية بالفريزر للطواريء
عشان ما يتركني بمجاعة

صحيح
انا كنت أتصل على ام زوجي وأقولها عندك أحد يجيبلي اغراضي
البراد فاضي ومافي بقاليات قريبة حتى خبز مافي

تحزن علي وترسلي وأحياناً هي تجيبلي بنفسها
كنت أتبع هالاسلوب مو عشان الاغراض
عشان أفضحه عند أهله
يتركني على وجبة المطعم وبقية النهار كلي هوا
وانعدل شوي بعدها

ياحبيبتي في المواقف ذي مايصلح ابد تقولي بروح بلا رجعه وانذليت وما انذليت
خشي اصبعك في عينه والا اقولك اصابعك كلها مره وحده في عينه
هذا بخييييل وكسول رسمي
افضل حل انك تطلبي الاخضر واليابس والا انزلي السوق واجلطيه خذي الي تشوفينه قدامك ولا تحرمي نفسك من شي
خليه يحاسب عند الكاشير لين يعرق بالف طزز
وانتي اتركي عنك الحساسيه مع هالاشكال ماتنفع زي ماتزوجك مجبور يصرف عليك
بس خليك ع الصامت خذي وامشي وهو يحاسب حتى لو بربر طنشي واضحكي في قلبك
لا تقولي ذلني. هذا واجب عليه مو مذله ولا شي تلاقي الاوله مسكينه موريها الضيم مع بخله


كلي واشربي وارتاحي
خذيه بكيد النساء لين تاصلين بس السوق واجلطيه 😑🤗