ترجيع الاجنه بيوم ١١ ... ٢٠١٩/٢/١٣

السلام عليكم
حبايبي سمعو سالفتي عدل
للمره الثالثه اسوي اطفال الانابيب وماتضبط وسبحانه الله حسيت انا فيني المشكله وبالصدفه سمعت سالفه وحده بالداوم نفس الشي تسوي اطفال انابيب وماتضبط وبعدهاا الدكتور قالها بنسويلج تحليل المناعه وضبط معاها وسبحانه الله عندها المناعه مرتفعه وعالجوها ونزلت وحملت ...ف قلت اكيد نفس مشكلتها ورحت لندن وسويت التحاليل وفحوصات ونفس الشي طلع معاي المناعه مرتفعه وايد عندي وعطوني علاجات وابر ودرب ... هل هذا العلاج الكافي ؟ ولا في علاج بعد؟؟ وشنو تنصحوني اسوي قبل اطفال الانابيب ؟ و اي دكتوره شاطره حق هالموضوع؟
وانا حالياً مسويه اطفال انابيب من بعد العلاج ادعولي ادعولي الله يثبت حملي ولايخسر تعبي ... ويارب لاتذرني فرداً وانت خير الوارثين

12 تعليق 1,455 مشاهدة

شاركي في النقاش

سجلي الدخول لإضافة تعليق.

التعليقات

12
  1. السلام عليكم، ان شاء الله ربي يكتبلك الحمل السليم يا رب 🙏🏻 و يرزقك بالذرية الصالحة..
    اجابة على سؤالك من الأفضل قبل الأنابيب غير أشعة الصبعة تعملي منظار رحمي للتأكد من سلامة الرحم من أي شيء ممكن يمنع التصاق الأجنة، والباقي التوكل على رب العالمين ..
  2. @veeee

    صدق المنظار مره مهم قبل اي عملية اطفال الانابيب حتى لو قالوا في الإشاعة كل شي سليم المنظار مره دقيق ... وتحليل الأجسام المضاده ...وفيتامينات لتحسين جودة البويضات ...هذا كله بعد التوكل على الله والمدعومة على سورة البقره وبأذن الله هل العمليه تنجح وتفرحي بشوفت ذريتگ عاجلاً غير أجل ❤️
  3. @allaboutfajer

    صاحبة الموضوع
    humaine
    السلام عليكم، ان شاء الله ربي يكتبلك الحمل السليم يا رب 🙏🏻 و يرزقك بالذرية الصالحة.. اجابة على سؤالك من الأفضل قبل الأنابيب غير أشعة الصبعة تعملي منظار رحمي للتأكد من سلامة الرحم من أي شيء ممكن يمنع التصاق الأجنة، والباقي التوكل على رب…
    اللهم اميين يارب
    سويت اشعه الصبغه
    وسويت منظار تحت الماي
    وسويت منظار بعنق الرحم
    وخذيت جميع انواع العلاج
    وخذيت حبوب لبطانه الرحم عشان تصير سميكه
    تقدرين تقولين كل شي كل شي سويت والحمدالله وموكله امري لله سبحانه وتعالى 🙏🏽

    بس السؤال المناعه لما ترتفع وتكون في اجسام مضاده شنو العلاج الكامل حق هذا الشي؟
  4. @allaboutfajer

    صاحبة الموضوع
    Veeee
    صدق المنظار مره مهم قبل اي عملية اطفال الانابيب حتى لو قالوا في الإشاعة كل شي سليم المنظار مره دقيق ... وتحليل الأجسام المضاده ...وفيتامينات لتحسين جودة البويضات ...هذا كله بعد التوكل على الله والمدعومة على سورة البقره وبأذن الله هل العملي…
    سويت والله منظار وكل شي وسويت تحاليل الاجسام المضاده .. الحمدالله كلشي سويته وعرفته قبل لا ارجع الاجنه
    بس السؤال شنو العلاج بالضبط حق الاجسام المضاده

تابعي تجارب أخرى من هذا القسم.