استفتاء افضل اساس وبودره..؟!؟! قبل العيد...

الاميــره

تسلميييين يالغالية، كلك ذوق، والله يوفقك آمييين .

(جوهرة الشرق)
ياهلا فيك اختي،،
شوفي لأن بشرتي نفس نوع بشرتك دهنية فأنا عرفت شنو اللي يناسبها من كريمات اساس كريولان وبقولك عنها :-

كريمات اساس ماركة كريولان kryolan

kryolan


3-Cake Make-up


يناسب البشرة الدهنية والمختلطه،
طريقته تبللين الاسفنجه بشوية ماي وتوزيع الاساس على كل البشرة(نفس طريقة البودره المائية).
ومايحتاج تحطين فوقه بودره لأن هو اصلا اساس مبودر .




6-TV Paint Stick
هو نفسه الستيك فاونديشين stick foundation بس هذا اللي اشوف خبرا التجميل يستعملونه
(بعضهم يستعملونه كـــكونسيلر على كل الوجه ويحطون فوقه اساس خفيف يمكن علشان التصوير، لأن هو بروحه ثقيل)


يناسب البشرة الدهنية ويناسب جميع انواع البشرة,
طريقة وضعه هي تمررين اصبع الاساس على البشرة وبعدها توزعينه باسفنجه جافه او مبلوله حسب رغبتك على كل البشرة.
و مايحتاج تحطين فوقه بودره مضغوطه Compact Powder Foundation
كافي بودره حره ( لوز باودر ) Loose Powder لأن هو اساس ثقيل و تغطيته قوية .


وهذا اللي حاطه عيني عليه TV Paint Stick ،، ان شاءالله بأخذه عن قريب .


***


و بودرة الاساس المضغوطه، حطيها بجنطة المناسبات استعمليها لما المكياج يبدا يسيح اسمها بالانجليزي :
Compact Foundation Powder
او
Compact Powder Foundation
اخذيها من جيرلان او من كانيبو او من اي ماركة تحبينها مثل بودرة ماك الجديده او من كريولان او من غيرها.....

التوب 3 من الأساس المضغوط حسب راي الاخت كـــلام العيون
(بودرة) من اليمين لليسار (جيرلان - كانيبو - ماك الجديدة)




بودرة كانيبو (Total Finish) للي يحبون تغطية حيل ثقيله:


سعرها تقريبا 12 دينار كويتي.

بودرة جيرلان (Divinora Teint Expert Confort) للي يحبون تغطية كبيره:

سعرها تقريبا 20 دينار كويتي.



:26:

طيب حبيبتي صدوفه ممكن تساعديني انا استخدم ماك المظغوط الي هو كومباكت باودر فاونديشن احط مرطب بعدين احطه مع العلم ان بشرتي مختلطه الي هي على شكلT وعندي مناسبه اقدر اشتري فور ايفرالسائل الي فيه بودره واسمه فيلفت على مااعتقد هل بيناسبني لأن بشرتي مختلطه وهل تغطيته حلوه وكم سعره ولا أضل على مااااك لأن بشرتي مافيها علامات ولا حبوب وسلامتك حبيبتي انتظر ردك

ريناااس
هلا والله فيك
شوفي بما ان عندك مناسبة فالافضل انك تستعملي كريم اساس لأن تغطيته بتكون احلى من الاساس البودر، وخلي الاساس البودر (بودرة الاساس) معاج بالجنطه و حطي منها على بشرتك بالمناسبة لما يبدا شوي يسيح

و الافضل انك ماتستعملين المرطب قبل المكياج لأنه هو السبب لما يسيح كريم الاساس
و افضل شي هو استعمال البيس قبل المكياج لأنه هو يرطب البشرة و يثبت الاساس ويخليه حلو على بشرتك
و البيس يغنيك عن المرطب و خلي المرطب للاستعمال اليومي بعد الغسول .

**

و بالنسبة لأساس ميك اب فورايفر الفيلفيت مات
هو اساس حيل مطفي ويناسب اكثر شي البشرة الدهنية و اللي عندهم مسامات واسعه بالبشرة تغطيته حلوه لهم، اما لبشرتك المختلطة مااقدر اقولك اخذيه الا اذا كنتي تحبين تكون بشرتك حيل مطفية و مات
و انتي تعرفين ان اصعب شي هو اختيار كريم الاساس المناسب لنوع البشرة ولونها.

اذا كنتي مرتاحه على ماك ضل عليه واذا تبين كريم اساس غيره انصحك تجربين كريمات الاساس الخالية من الدهون علشان ماتسيح معاج وتلاقينها بكل ماركات المكياج مثل جيرلان وديور ولانكوم و.....الخ،

افضل شي انك تجربين الاساس على بشرتك واللي يطلع حلو عليك ويعجبك اخذيه
و لما تجربينه حطيه على الحنج (الذقن) او على عظمةالفك وشوفي لونه مناسب للون بشرتك ولا لأ
واذا ما قدرتي، حطيه على ايدك (باطن اليد) وشوفيه بالشمس اذا لونه نفس لون بشرتك ولا افتح

قبل لاتشترين كريم الاساس جربيه واختاري النوع الخالي من الدهون oil free واخذي كريم الاساس نفس لون بشرتك اوافتح منها بدرجه وحده بس،

اذا كنتي محتاره بين نوعين جربيهم بنفس الوقت علشان تقدرين تحكمين عليهم افضل.


وان شاءالله تلاقين كريم الاساس المناسب والله يوفقك .

أختي صدوفه تشكرين على الموضوع الحلوووو وعلى مجهودك الرائع ...
بناء على مدحك ومدح الكثير من البنات اشتريت بودرة جيرلان الذهبية Divinora Teint Expert Confort ، بشرتي لونها حنطية فاتحة والمسام فيها واضحة.
وانصحتني الفلبيبنية اللي بالمحل على هذه الدرجة الناتشورال بيج Beige natural 543 وقيمته تقريبا بــ 21 دينار . وتقول لي لون البودرة الوردي مع العرق والحر تقلب لون الوجه الى الغامق .

مع اني كنت استخدم بودرة جفنشي مع كريم الاساس ومرتاحه عليها بس الطمع . :22:

وسابقا عندي بودرة ماك استديو فكس حلوة بس طاحت بالارض وصارت كأنها تراب بودره . :eek:

وعندي البيس من ماركة clarins اللي هو Beauty Flash Balm .
احطه قبل المكياج بس بصراحة ما احسه يسوي شي للبشرة وللمكياج مع ان الكثير من البنات مدحوه . ما ادري يمكن انا ما اعرفه له ...؟؟؟


وعساك على القوه ..........