⚜️🖤التـجـمـع الـعـشـرون20 لـمـوالـيـد مـايـو 5 يـونـيـو 6 🖤⚜️

صباح الخير كيفكم عسولات اخباركم
اليوم كنت عند الدكتوره اللي بتعمل الاشعة الرباعيه الملونه
اول مادخلت قسم الاجنة نزلت دمعتي😢
تذكرت مراجعاتي بولدي يوم قالوا لي فيه شفة ارنبيه وسقف حلق مشقوق بسبب ادوية الصرع
الحمدلله طمنتي كل شي تمام الوجه سليم والقلب سليم وباقي الاعضاء وعطتني موعد عالشهر الجاي
وقالت كان ودي اعمل تفاصيل اكثر للجنين بس البيبي عمره كبير ٢٦ اسبوع في قياسات ماتطلع مضبوطه الا بعمر اصغر مثل سمك الرقبه
واكدت لي بنوته💗 وخلتني اشوف وجهها حسيتها تشبهني 😊

بالعكس معهم حق احيانا تجي الام موسوسه لهم خصوصا اذا بكريه فيقولون لها احسبي ١٠ حركات باليوم لانه اذا قلت عنها معناه يا النبض يضعف او المويا ناقصه او في مشاكل وبكذا تلحقين عليه .

ومره كنت بموعدي الا داخله الممرضه ومعها التخطيط حق المراجعه اللي قبلي وحولوها ع التخطيط لان الحركات اقل وهي بالثامن او السابع اتوقع مو متاكده وطلع في انخفاض بالنبض مع طلق ونوموها .

بالعكس الحرص واجب ولولا الله ثم كلام الام عن حركات جنينها كان مالاحظوا

هيه انا اعرف ١٠ باليوم بعد
بس ماايلس اعد اهم شي يتحرك.. الله الحافظ

الحمدلله رب العالمين
ربي يبلغج فيها وتفرحين بشوفتها صدق 💞

بنات انا بطني صغير و في الاسبوع ٢٩ عادي يعني ولا لازم اشيك المهم احس فالحركه بس مو قويه و مو وايد و فيني بنوته ما ادري لانه اسمعكم تقولون تقل و مشيه بطريق هههههه انا احس اني عاديه بس فالليل اتعب فالنومه و ادا جلست واجد فالشغل على الكرسي يعورني ظهري شوي هل هالشي عادي ولا لازم بطني يكون كبير فالسابع