ترتيباتي قبل شهر الخير الله يبلغنا

احسنتي وجزاك الله خير .. فعلا الهدف منه الانتهاء من كل شي قبل رمضان غير عشان التفرغ للعبادة لانه هو المهم .. فيه سبب ثاتي في بعض الاوقات تحصل مشاحنات بين الزوجين وتشعر الزوجه بالنقص والحرمان لانها ناقصها اشياء وزوجها مو قادر يوفرها
وعشان اعيش فرحة رمضان والعيد انا وبناتي وابنائي وزوجي من غير منغصات
وحتى لو كنت متعجله للتجهيز للشهر المبارك ماهو غلط او عيب .. في انتظاره والتجهيز له هو والعيد فرحه ومتعه لا يعادلها متعه .. يكفي انها مناسبه خاصه بنا نحن المسلمين

ماقد شريت ملابس العيد قبل رمضان الا مره وحده
شين السوق مايزين الا برمضان ينزلون الجديد 🤕💔
قبل رمضان نتقصى اغراضنا بشعبان
تجهيزات العيد بااول رمضان الى نصه كم مره بنروح طبيعي لي ولبناني عيالي على ابوهم سهلين ثياب وخلاص وافضى لتوزيعات العيد اخر شي
الجدول مااعرفه منى ماخلصت خلصت 😂😁
الله يبلغناه على خير ويجعلنا من صوامه اللهم امين ⁦❤️⁩

+1

والله حتى انا احب البساطه وما اتكلف للتجهيز لكن اهم شي اخلص قبل رمضان .. واحيانا تجي ظروف فجأة او مناسبه كبيرة تسحب الميزانيه كلها فالافضل اكون مجهزه ومخططه ..


غالبا استعد قبل رمضان ب٣شهور

شهر ٦ اخليه لي من ناحيه الملابس و المكياج و الجزم والشنط ..طبعا اكمل اللي ناقصني فما يكلفني كثير ( لأني غالبا اتقضى اللي ناقصني اول بأول حسب المصروف الشهري فما اكون محتاجه اشياء كثيرة هذا الشهر)

برضو في نفس الشهر اخذ شي للبيت سواء ادوات ناقصه للمطبخ او جهاز كهربائي .



شهر ٧ اخليه لبناتي
ملابس وبجايم وشوزات و.و.. ..ولأنهم صغار فما يحتاجو كماليات كثيرة

وفي نفس الشهر اخذ شي ناقص للبيت مثلا تحف او زوليه او ..او... اشوف الاهم ثم المهم.


شهر ٨ يكون لولدي وزوجي لأنهم مايحتاجو كثير وغالبا هذا الشهر نكون مضغوطين ماديا ..

ونفس الشهر اجهز طلبات المفرزنات او اشتريها جاهزة او ..او....ومايبدأ الشهر الا ونا منظفه البيت ومفرزنه ماشاءالله


اما رمضان ما انزل السوق الا للضرورة القصوى .. والراتب وقتها يكون لأهله او هدايا ومصاريف لبيتنا الثاني .....


طبعا مو دايما امشي على الجدول لكن على الاقل بنسبة ٧٠ او ٨٠بالمئة وتكفيني فرحة الانجاز واتفرغ في رمضان لنفسي وعبادتي..الله يبلغنا اياه بصحه وعافيه وكل احبابنا

أنا بغربه وماعندي أطفال شهرين ونصف بكيييير أما إنت إذاهس عندكم تخفيضات إشتري إبدي بالضروري وحتى المقاضي أكل إشتري الأشياءالمعلبه لما تلاقي تخفيضات لأن برمضان المصاريف كثيره وإش راح يكفي الراتب فتكوني نقصتي وإرتحتي من اللف والتقضي