يعطيكم العافيه هل هالصفات هذي توحد او طيف توحد
اذا كان طفل عمره ٣ سنوات نناديه ومايتجاوب معانا ولايلتفت
ويمشي ع طرف اصابعه ولايتكلم ولايقول ماما ولابابا
واذا بغى شي ما ياشر ولايطلب بس يضل يبكي والحمام يرفض يدخله لازم بكى وصياح
وللان عالحفاضه والرضاعه
وحركي كثيييير ومايعرف المخاطر يعني لو يشوف احد يشرب شاي يسحب الكوب منه وهو حااار ويشربه وعادي مايحس بحرارته
من زود حركته الزايده واذا رحنا زياره عند احد يتضايقون منه لان يفتح كل الدواليب والدروج ويطلع كل شي والمطبخ يطلع كل اللي بالدواليب ويكسر واذا شاف شنطه لازم يفتحها ويطلع اللي فيها
يحب يلعب بالسكن واذا شاف كاس او صحن زجاج يرميه ع الارض بقوه لين ينكسر يحب يلعب بالماي يجيب ماي من الثلاجه ويسكبه ع الارض وع الكنب
واخته عمرها سنه دائما يضربها ويرميها من السرير ومن ع الكنب ويخاف من صوت الخلاط والمكنسه
وعنده حركات تكراريه دوران حول نفسه او اذا احد واقف يدور حواليه
او ينسدح ع الارض ويحط رجوله ع طاوله او ع الباب ويضرب الباب او الطاوله برجوله لفتره طوووويله
لمن اقوله عيب هالشي غلط ماكأني اكلمه ويضل مستمر في هالحركه
ومن بعد عناااء شديد وحنا نحاول نعلمه الارقام صار يعد من ال١ الى ٧ بس لمن يكون لوحده نسمعه مايعد جنبنا ولمن يشوف الشاي يقول شاء شاء شاء بشكل تكراري
وبعد متعلق في بعض الاشياء مثل الملاعق والاقلام وفرش الاسنان بيعشقهم لو يشوفهم بيد احد يسحبهم ويهرب بسرعه واذا بناخذهم منه مانقدر يمسكهم بقوه و يبكي
واذا احد ضربه او انجرح او طاح من مكان مايبكي ولا شيييييييي
وبالنسبه للنوم يصحى الصباح ١٠ او ١١ بس من يصحى ماينام الا الفجر الساعه ٣ او ٥
نومه قليل بس يضل طووول اليوم نشيط وحركي ومايدوخ والالعاب مايلعب فيهم يحطهم في فمه ويعضضهم او ياخذهم ويرميهم ع الارض ويرفعهم ويرميهم وهكذا..بس لعبة المكعبات يحبها ويصففهم بس مش دائما
يعطيكم العافيه من اي درجه التوحد تقريبا يعتبر بدايه او متاخر
واسفه اذا طولت عليكم
تجمع مطبقات برنامج اندلسيه دودي لعلاج التوحد
متابعة النقاش، صفحة 184