التجمع 121للمقبلات على الحقن المجهري وأطفال الأنابيب

يوم وصلت اليوم اللي بعده طلعت بنت عمتي حامل تزوجت بعدي اووف قهرتني امي و الكل تخيلو الموقف 😣

تنصحوني بسمير. عباس اللي فجدة عند اي دكتور
او الرياض كمان عند اي دكتور و اي مستشفى
انا افكر في الحقن المجهري بس ماني عارفة من وين أبداً

عندي ملاحظة
في بنات (زائرات او عضوات) تكون عندهم عملية حقن مجهري يتابعونا بصمت
اذا نجحت عمليتهم بيختفو
اذا فشلت يجون يكتبو بالتجمع انهم جربو حقن و فشلت و اللي نجحت و نزل الجنين لا قدر الله بعد تجي تكتب طلع حمل و بعدها نزل ...


ليش ما تشاركو معنا و نستفيد من بعض من الاول و اللي تنجح عمليتهم يا ريت تدخلو تعطونا امل و ما تختفو


ربي يرزقنا جميعا

دنيتي الحمد الله على السلامه والله يتمم لك على خير
انا اليوم سويت السحب والحمد الله حمدا كثيرا كان فيه ٥ بويضات من أصل ٨ الحمدالله والشكر له عل فكره كل محاوله اسويها يكون فيه ٣ بويضات بالكثير بس الف شكر وحمد على هالمره والله يبارك لي فيهم ويتلقحون
وعينه زوجي قالوا لي المختبر احسن من كل مره بوايد بكره ان شاء الله ننتظر الاتصال علشان نعرف التلقيح شخباره
وربي يكتب لي اللي في الخير و يرزقكم جميع بالذرية الصالحة
ربي لا تذرني فردا وانت خير الوارثين

حبيبتي ليه تنقهرين
شي طبيعي ان وحده حامل وحده لسع هذي ارزاق مقسومة
مو شطاره من ولا وحده فينا
الا افرحيلها وباركيلها واذكري الله وادعي لها بالبركة
واي احد يقولك كلمه قولي انا اعمل بالاسباب والباقي بيد العباده والحمدالله راضيه ومبسوطه ومتفائله ان رزقي بيجيني بالوقت المناسب