انا معاي الحق ولا مكبره الموضوع ☹

يعني بالله عليك المراه تقعد بالبيت تنحبس فيه طول عمرها وماتطلع الا للضروره القصوى!!!
طيب وش فيها اذا طلعت تشم هوا حالها حال الرجل ، يعني لما تطلع للحديقه لوحدها مع اطفالها او مع صديقاتها واطفالهن تتونس او تطلع تسيّر على جاراتها توسع صدرها او للبر مع اهلها تشوف المطر والربيع حرام وماله داعي !!!!! يعني الوناسه وشوفة الدنيا بس للرجل!!!
والعمل للمراه سواء لكسب العيش او لتغيير الروتين الممل او لاثبات الذات ايا كان السبب لافيه لاحرام ولاعيب ،اجل بنقعد بناتنا الصغيرات في البيت ومانخليهم يروحون يتعلمون بالمدارس لانه ماله داعي بس الذكر له داعي يروح يتعلم ، اجل وانتي صغيره مارحتي مدارس تعلمتي على ايدي معلمات فاضلات علموكي او قمتي تسألينهم قبل يعلموكي انتي صرتي معلمه كذا بس عشان تطلعين ولا لانك محتاجه ولا عشان تثبتين ذاتك!!!!
والمستشفى عزيزتي مكان عام يدخله جميع فئات المجتمع الطبيب والممرض والطبيبه والممرضه ماهي قاعده بخلوه لوحدها مع طبيب او رجل هذا مكان مختلط اختلاط مباح وليس اختلاط ملاهي ومحرمات مكان للعلاج فيه الطبيب والطبيبه والممرض والممرضه والمراجعين والمرضى من رجال ونساء واطفال ، ثم انتي لما تروحي للمشفى للولاده مو تطلبين طبيبه امراه ولارجل يكشف عورتك!!!! او تبين تسألينها اولا قبل تولدك لحظه انتي صرتي طبيبه لانك محتاجه او لانك متفوقه وتحبين العلم من يوم كنتي طالبه ودرستي طب لذكائك او صرتي طبيبه !!!!!
ثم لم يثبت اساسا عن الرسول صلى الله عليه وسلم انه منع النساء العاملات في عهده من العمل٠
ولقد ثبت ان منهن من كانت تجني ثمار مزرعتها ومن كانت تعمل صنعه ومن كانت تروي الحديث من امهات المؤمنين رضي الله عنهن وتعلم النساء وتفقههن بل منهن من كانت تذهب مع جيوش المسلمين مع محارمها ومع جموع غفيره من الرجال وهن قله قليله بينهم تداوي جراحهم وتطبخ طعامهم وفيهن من كانت متزوجه وعندها اولاد ولم ينكر الرسول عليها ويقول ابقي مع اطفالك اولى او لم ينكر ويقول نريد رجالا ممرضين بدل النساء ٠
والنساء في عهده تذهب للاسواق لم ينكر عليها ويقول زوجك يتسوق بدلا عنكِ ٠
واذا زي ماتقولين الوظيفه رزق من الله اذا كاتبها لها كذلك الزواج رزق ربي كاتبه ٠
واذا المراه بتطلع تطلع لاي سبب كان مباح وهي محتشمه ماهي مسببه فتنه للرجل ، وكأنه سبب فسوق الرجل هو المراه ! طيب واللي يقتل او يتعاطى مخدرات او اللي مايروح للمسجد يصلي
هل كلهم بسبب خروج المراه من بيتها!!!!!!

تعليقي هذا👆🏼موجه للاخت مرجانه

سبحان الله انتي نفس تفكيري👍🏼احسنتي
عاد انا ماشفت ردك هذا رحت وكتبت رد وش طوله

تبين نصيحتي اشتغلي من المنزل افتحي لك مشروع خاص فيك الدوامات قروشه والله بكره يجونك اولاد وكذا

ياحبيبتي تفاهمي معه قبل الزواج وقولي له انا ابغى وظيفتي حاولي معه واتفقوا واذا مارضي عاد بكيفه يعني انت درستي وتعبتي علشان تجلسين في البيت اكيد لا تبغين تحققين طموحك وذاتك والله الوظيفه عز عز للمرأه الله يرزقني وظيفه حكوميه وكل من قال آمين