🤱💖التباشير الرابع لمواليد 🐣مارس&ابريل 2019💙🤱

بنات مولودي جاء يده اليمن من عند مفصل اليد مافيه كف والله انصدمت وبعدين قلت الحمد لله ع قضا الله وقدره
مستغربه محد قالي ع كثرر ماسويت سونار
محتاج منكم كلمات تدعمني إنتم خواتي

احسنتي القول الحمد لله اننا الصبر عند الصدمة الاولى
لا تخلي الشيطان يكبرها بعينك العلم تطور وفي بدائل كثيرة و ربنا اذا كتب شي كتب معه كل شي يتبعه ولله حكمة في كل شي

ياقلبي الحمدلله على كل حال الحمدلله انه بصحه وعافيه وهذي الأشياء ان شاء الله مقدور عليها الطب تطور وكل شي له حل

ياقلبي الله يربط على قلبك وينزل عليك السكينه والرضا الخير فيما اختاره رب العالمين ولدك هذا بيجي غير عيالك كلهم بذكائه وفطنته ويمكن يصير من حفظه كتاب ربي صدقيني ما اخذ منه هالشي الا ليعوضه خيرا منه باذن الله

كثير اشوف بالنت مالهم يد ابد ومبدعين يرسمون وياكل بالرجلين

الحمدلله على قضاء ربي لك الحمدلله الحمدلله الحمدلله الله يجعله خيرا لك ولصغيرك ويعظم اجركم ويرفعه ربي باشياء ماكنتي تحسبي حسابها

الحمدلله على كل حال
راجعي فيه اهم شي لان الطب في تطور