السلام عليكم
بنات انا تعبانه جدا من المشاكل اللي تصير بيني وبين زوجي
والله بديت احس انه ربي مو كاتب لنا نستمر مع بعض رغم بينا اطفال
والله من اول لحظه شوفته حبيته وتمنيت اني أسعده واريحه
مو قادر يشوف السعاده معاي
رغم محاولاتي الشديده بالتغير عشانه وعشان نعيش مبسوطين
يعني انا كشخصيه مو عاجبته كل تصرف مني يايعتبره غلط او مايعجبه
في اُسلوبي ف كلامي ف ردات فعلي ف طبخي ف لبسي ف تربيتي واهتمامي بااطفاليربعلاقتي مع الناس
كل شي فيني يشوفه مو صح وموعاجبه
انا شخصيه والله كنت مرحه واجتماعية وحاليا مااحب المرح ولا المغامرات ولا الاجتماعات صرت هاديه قليلة كلام
ومو عاجبه اني هاديه قليله كلام حاولت مرا مرتين عشرين أغير. ف شخصيتي والله عشان أكسبه ماقدرت
انا ايش ذنبي تكون شخصيتي كذا ومايتقبلني
يعلم الله صرت انسانه محبطه تخيلو بنات تعيشون مع شخص عمره ماشاف منك شي صح ولا شي كيف تكون حياتكم كيف تكون وانتي تحاولين تجذبينه تجاهك وهو يشوفه عكس انه نفور
هو كثير انتقاد وانا انسانه اتأثر ومااتقبل اي انتقاد فيني
بنااات انا تعبت والله العظيم تعبت
حاولو تخففون عني لو بدعوه
شاركي في النقاش
سجلي الدخول لإضافة تعليق.
التعليقات
25- مالك غير ربي قادر غير من حال الى حال ادعي وانتى موقنه بقبول دعواتك
- الله يفرج همك ويساعدك ويعينك
اصعب شي في الحياه انك تعملي شي لشخص وتنتظري منه رد فعل طيب وماتلاقي غير الانتقاد والوجه العبوس
الظاهر زوجك ماشي معاك بهالاسلوب لان كل شي تعمليه عشان ترضيه وتلفتي انتباهه
انت عملتي اللي عليك ولاحظتي انه مايعجبه وبس ينتقد اذن غيري اسلوبك وتفكيرك وارجعي نفسك قبل الزواج
قبل الزواج كنتِ مرحه مبسوطه اجتماعيه والضحكه ماتفارقكك لانك ببساطه كنتِ تسعدي نفسك وتهتمي فيها لكن لما غيرتي تفكيرك وحصرتيه في زوجك انصدمتي وماتوقعتي المقابل منه فنسيتي شخصيتك اللي قبل الزواج ولالك نفس تكملي في شخصيتك بعد الزواج
ركزي الان في نفسك
ادي حقوق زوجك عليك بدون مبالغه وبدون منّ وبعدها التفتي لنفسك ولاولادك وهواياتك
زوري صحباتك عيشي معاهم اللحظات الحلوه والضحك والوناسه روحي لاخواتك اعزمي اهلك لاتحصري حياتك وافكارك في زوجك ابعدي عنه لاتخنقيه بالاهتمام وانتظار كلمه منه صدقيني اذا اهتميتي بنفسك وخليتيها رقم واحد راح تحسي بالسعاده وخليه ينتقد لين يشبع لاتلقي له بال دامك واثقه ان كل امورك صح لاتردي عليه لين يمل
وقبل كل شي قوي علاقتك بربك تصدقي وادعي وصلي قيام الليل
صدقيني اذا تغيرتي لنفسك فقط مو عشان احد راح تحسي بالفرق وتحسي بطعم الحياه انت بس
محتاجه جلسة هدوء مع نفسك حتى ترجعي زي زمان بس الفرق انه انضاف لحياتك زوج له عليك واجبات تسويها له بدون زياده او نقصان
والله يوفقك ويسعدك - كلامها روعه وبمكانه اشهد
- كلام رائع ، الله يسعدكم
- حبيبتي المشكله اساسا من عندك وتقبلي كلامي
هو شاف انك مو مقتنعه بنفسك وتحاولين تتغيرين وهو اكيد ملاحظ انك تتغيرين لخاطره لذلك عمره مارح يعجبه شي تساوينه ولا رح يتقبلك لانه انتي لازم تبداي تجبريه يتقبلك مو بمزاجه مثل مانتي متقبله عيوبه والدليل لو مهما كان الانسان فيه عيوب لازم يكون مقابلها في حسنات صح !؟
ابداي فيه مثل مايسوي فيكي ساوي فيه يقولك لبسك مو حلو قليلو لو تلبس لون كذا يصلحلك اكثر .. يقولك اسلوبك طلعيله شي في نفسه وانتقديه بنفس الطريقه
اي شي ينتقده قولي له هذي انا والحمدلله عاجبتني وؤاضيه ومتقبلتها مو عاجبك براحتك المهم اني مستانسه بروحي ولا تحسسيه انه كلامه يهزك از ياثر صدقي رح يزيد انتقادات ورح يسير اسوأ من كذا
وحده اعرفها كانت مثلك وتحاول تتغير حتى ترضيه تعرفي اخر المطاف وش قال لها (( يقول انا ماشوفك انثى انتي غبيه انتي انتي انتي )) وهي تروح تحاول تعدل وتسعده وبالاخر طلقها وعندها بنت وولد متخيله !
لايكون همك يرضى هو المهم تكوني راضيه عن نفسك
الله يفرجها عليك ويسخره لك
مواضيع مشابهة
تابعي تجارب أخرى من هذا القسم.