🤱التباشير السادس لمواليد مارس ❤ابريل 2019🤱

يالله انك تصبحهم وتربحهم
وش اخباركووووو
عساكوووا بخير
ماشاء الله تبارك الله مبرووووك لكل اللي ولدوا ربي يحفظ لكم أطفالكم ويهووووون ع البقيه ياكريم وتفرحهم بضناهم
انا وصغيري الحمد لله بخير
انشغلت فيه وبالزيارات وكل شوي بطل ع البنات اشتقت لهم واذا جاء الليل لوني دايخه ادور المخده والحمد لله على العافية والتساهيل

قالت لي انها تعبانه وقلت لها ببشر البنات
نيابة عنك

لا والله هالاحساس ما جاني
بس نغزات في المهبل داخل

مايوحشك غالي ياعسل 😘😘

بسولف لكم عن ولادتي
اللهم لك الحمد كانت ولاده سههههههله وميسره
رحت موعدي بنص التاسع عساس تسوي لي تحريض عشان أولد قبل يزيد وزن الجنين
قبل اروح لموعدي بيومين اذا جا الليل احس ألم في بطني واول مره احسه بدري لان كان معي قحه من دخلت التاسع جتني سبحان الله طلع لها فايده القحه 😅😅😅
المهم رحت لها قالت بسوي لك تحريض وتجي تكشف علي ماكنت احس بشي بس بالليل حسيت وراح المهم يوم دخلت يدها قالت بحاول افتح الرحم عشان نقدر نعطيك طلق المهم شوي والااشوف عيونها كذا 😳
قلت وش قالت فاتح 4سانتي
ماتحسي طلق قلت لا
قالت الحمد لله ماتحتاجي حتى طلق
بسوي لك تحريض عشان يبدا الطلق وروحي واذا حسيتي شي تعالي ع طول واذا ماحسيتي تعالي بكره الساعه 8 وحجزت لي غرفة ولاده لاني ولدت بمستشفى الحبيب
المهم واروح وامشي قالت لي تكبي بهدب الاثل
واروح امشي ماحس بطلق احس ألم خفيف بالظهر
وانام يوم جاء الصبح كشفت علي قالت فاتح 5 سانتي يلا ادخلي
واروح قالت بعطيك طلق خفيف
قلت ابي ابرة الظهر قالت انا ماحب اعطيها اللي ولدون عندي اعطيك مسكن وكان خااااطري فيها وسكت وانتظر الطلق خفيف وعطتني مسكن احس بس ذبحني بالنوم
واجلس لين المغرب ماحس بشي
و اطلبها وتجي قلت عطيني ابرة الظهر وعقب عطني طلق مو تحميله عطيني اللي بالمغذي لاني حاسه اني بطول وانا ماحس باي شي قالت خلاص انا ناويه اعطيك طلق اساس قلت والابره حقت الظهر قالت انتي ملزمه قلت اي قالت أجل يلا بسم الله خلي زوجك يجي يدفع ويوقع وحنا بنطلب دكتور التخدير
جو وعطوني والله احس عاااافيه سرت بجسمي رغم اني ماكنت احس بطلق بس هم يقلون الجهاز فيه طلق
وارتاااح ويعطوني الطلق ولا احس باي شي
واجلس ساعتين انام واقوم مافي غير العافيه
شوي يوم جت قالت يالله ولاده 😳قلت ماحس بشي قالت فاتح تسع ونص يلا
سبحان الله ماحس باي شي
وتبدا تقول تدفعي حتى الدفع احس اهوين لاني جسمي ماتعب مرتاح
والحمدلله ثلاث محاولات الا يوم جاء بدر 😍😍😍😍
والحمدلله أسهل ولاده مرت علي وأسهل حمل ياربي لك الحمد
والله يرزقكم ولاده مسهله مثل ولادتي ببدر
الله يحفظ لنا ماعطانا
بس خلصت رحلة وهن ع وهن وعقبااااالكم كلكم يارب
ويجعلها بردا وسلاما عليكم