شي تتميزين فيه ... وشي فاشله فيه🙇‍♀️

مسااااء الخير بنااات ...🌹
يالله.. من زمااااان ماكتبت موضوع الله يقلع الانستقرام خذاني من عالمي الجميل 😚
المهم بنات .. مثل ماهو واضح من العنوان شي تميزتي وابدعتي فيه 😻 وشي مهما حاولتي ؛ تكونين فاشله فيه 🙁
مدري اشفيني اليوم تعبيري بنقالي 😤
يلا انا ببدأ ..
احس اني متميزه بالكتابه وبالتعبير تحديدا وكتابة الخواطر ..من يوم كنت طالبه كنت اعشق التعبير وكنت اعبر لخواتي وصديقاتي .. واحيانا ما اقدر انام عقلي يختارله موضوع ويقعد يتكلم ويعبر فيه ساعه ساعتين ثلاث ويكون الكلام جدا جميل لدرجة اني اقوم من فراشي واكتب اللي كنت افكر فيه .. عشان ما انساه 😶 ..
بعد متميزه بالغناء صوتي حلو يشبه صوت شيمي ومن وعيت ع الدنيا وانا انشد واغني .. ودايم انشد لأمي وامي تبكي 😿 ..
امممم وبعد متميزه بصنع الحلى دايم حلوياتي ناجحه واي جمعه يقولولي اسويلهم حلويات ..
الشي اللي فااااشله فيه ... الرسم ، ما اعرف ارسم ابدا حتى لو ورده مره رسمت عين وعلمت اخوي قال هذي سمكه ولا سفينه🤦🏻‍♀️ .. هعع ومع هذا لازلت احاول مع اني اشوف الرسم سبحان الله موهبه تخلق مع الانسان ..
يلااا الحين دوركم 👀، ومعليش اذا الموضوع مكرر ترى من زمان ماشفت عالمنا 💋

71 تعليق 16,834 مشاهدة

شاركي في النقاش

سجلي الدخول لإضافة تعليق.

التعليقات

68
  1. @aol_thanoy_1

    عن نفسي فاشله بالمكياج مررره
    اقلها نفسياعرف اسوي ايلاينر مضبوط
    اما شي متميزه فيه ولاشي صراحه
  2. ناجحه في الفوتوشوب والتصاميم
    المطبخ اكثر شي ناجحه في المعجنات
    الرسم احبه ودي اتعلم لكن كل محاولاتي باءت بالفشل 🤦‍♀️
  3. @nora2018

    ناجحة بالتعبير والالقاء قدام الناس ودايم احب اتكلم بالحفلات وبرضو ناجحه بالتنظيف والتنظيم والعلاقات الاجتماعيه والتصوير والتصميم وشغلات الديكور والقهوه قهوتي بالراس 😂 ..
    فاشله بالطبخ وخاصه الحلا واكلي عادي ينأكل بس مو لذيذ ما عندي نفس وفاشله بالرسم امنيتي اصير رسامه لو تتحقق لي امنيه اختار اكون رسامه ، والكروشيه حاولت بس فشلت كثير ، الخط خطي واضح بس مو حلو وبس اغلب اللي فاشله فيه حاولت بس استسلمت وتقبلت النتيجه وصرت اطالع باللي متميزه فيه ♥️
  4. @asoarh_orod

    ناجحه ف الفطاير في اي جمعه وسويت فطاير
    يسألون فطاير مين 😇
    للأسف فاشله في الميك اب اسوي مكياج عادي وناعم

تابعي تجارب أخرى من هذا القسم.