رأيكم هل انا حساسه او هذي من حقوقي

بعض الرجال ذي عندهم تعتبر خرابيط ومالها داعي
بعضهم ما يعبر عن الحب برومنسيات
فيه اللي يحترمك ويقدرك وفيه الكريم وفيه اللي يلبي طلباتك
شوفي انتي اللي يهتم له ويحبه،، وسوي له.
والله يوفقك.

عادي كملي ولاعليك من ردة فعله انبسطي وخليه بيتعود 💅🏻

والله يا خيتي الحال من بعضه اغلب الرجال مثله رلي يسخره لك ويسعد ايامك

( ماله داعي ) يعني ايش ؟
الجواب اللي اعطاك اياه وش فهمتي منه يعني مايحب الطلعات او ينحرج منها او هو في عائلته وتربيته ماعندهم هذي الاشياء يعني عقليته مغلقه مثلاً ومو من عاداتهم ان الازواج يطلعون ويسافرون مع بعض

انا سمعت وحده من المدربات تقول اذا طلبتي من زوجك شي ورفضه لازم تكررين الطلب عليه 7 مرات على الاقل وتذكرينه فيه بأوقات واساليب مختلفه ..
لان عقلية بعض الرجال ماتستوعب اهمية هذا الشي للمرأه ومدى احتياجها الشديد له فيرفضه ولا يهتم فيه

اللي لازم تجربين تسوينه اول مره طلبتيه مباشره ورفض خلاص انسي الموضوع وعيشي طبيعي
ثم بعد شهر ارجعي تكلمي عن طلبك بطريقة ثانيه غير مباشره مثلاً عبري عن مشاعرك انه ياسلام لو يجمعك معاه مطعم هادي او تتمشون على البحر وتنسين الدنيا واللي فيها لو ساعه وترتاحين من المسؤليات وأي كان رده تقبليه ولا تعطينه رد فعل سلبي واتركي السالفه تمر وتعدي وعيشي طبيعي
ثم بعد شهر ارجعي مره ثالثه افتحي معاه الطلب لكن بطريقه مختلفه عن اللي قبلها مثلاً شوفي ناس من اقاربه واخوياه اللي نفس تفكيره وعقليته وامدحي فيهم بطريقة غير مباشره ان زوجة فلان قريبك ماشاء الله تحكي لي عن زوجها راحو انبسطو بالمكان الفلاني ياهي تمدح الاكل والشرب والهدوء والجو الزين يعني تكلمي عن رجال هو يعرفهم ومثل تفكيره وعقليته ومن اهله واقاربه انهم يطلعون حريمهم وعادي بس تكلمي بطريقة غير مباشره كأنك تسولفين وتمدحين لا تتعمقين ولا تنغزين فيه مباشره بس سولفي وقفلي الموضوع وعيشي طبيعي
ونفس الشي بعد شهر ارجعي شوفي لك اسلوب وطريقه جديدة ثم اقترحي عليه قولي وش رايك يابو فلان ماودك ننفرد انا وياك بمكان نستانس وننبسط لحالنا

يعني اتبعي مع زوجك اسلوب الاقناع حسب عقليته وبيئته لانه اذا سمع فلان وفلان اللي مثله يسون هذا الشي اللي تبينه اما بيغار منهم او يتشجيع يسوي مثلهم فأنتي توكلي على الله وخذي نفس عميق وبردي اعصابك وتدرجي معاه وخذي وقتك لو 6 شهور او سنه إلا ماتطلعين معاه بنتيجه

كلام سليم
بصراحة الردود اللي تقول دلعي نفسك ابسطي نفسك. خطأ
انا نفس فيني فطرة أميل لزوج يحبني وأحبه
ويهتم فيني واهتم فيه
كيف يعني اسافر مع نفسي واطلع المطعم مع نفسي. اعوذ بالله ايش هذا التفكير