شاركي في النقاش

سجلي الدخول لإضافة تعليق.

التعليقات

114
  1. @otn_la_ynthy

    زوجي مايحب يفطر بدري


    اول شي يروح لدوام ويتقهوى ثم يفطر مع المعلمين وهذا نظامهم


    لكن ولدي لسه روضه اقوم واسوي له فطور حليب وسندويش ويرفض احيانا بس احاول فيه احيانا ياكل قطعه من الساندويشه وكوب حليب
    واحيانا بس يكتفي بالحليب


    وياخذ معه فطور
  2. @l_nayf_am

    بالنسبه لي انا متزوجه فقط ماعندي اطفال انا دائما اروح هايبر بنده قسم اللي يبيعون الاجبان والألبان بعلب اخليه يعطيني لبنه زعتر لبنه ساده جبن زيتون جبن بالشطه قشطه ومربى واروح قسم المعلبات اخذ سلتونا مو التونه الساده ..اصحى بس احط الفطور في صحون البلاستيك وأسوي شاهي عدني او حليب بالزنجبيل او بالهيل ونفطر وينزلني الجامعه ويروح الدوام بس بالنسبه الويكند الجمعه والسبت فطور متاخر ومعتبر فول وبيض وكبده
  3. @mb_aaarf

    بنتي ماتحب تفطر بس تاخذ كوب حليب مع نسكويك اما ولدي يوميا يوميا يبا كورن فليكس وكل يوم نوع غير عن الثاني
    اما زوجي بحكم انه اسبوع بعيد دوام واسبوع اجازه بقوم يصلي الفجر ويرجع ينام ويقوم على العشره وضروري اسوي فطور لان الغدا متأخر ع الساعه 3 تقريبا لان العيال يردون من المدارس الساعه 2 ونص وابوهم مايرضى يتغدا قبلهم
    فاسوي شاي وقهوه عربيه و الفطور منوع مره بيض وفول ونواشف و بان كيك ومرات وافل ومرات كريب وساعات اسوي فطاير او مناقيش
  4. @fly_without_wings

    تصدقون تطمن قلبي على بنتي الله يسعدكم
    والله اني كنت أبكي ليييه ماتفطر ولا احب اهاوشها من الصبح
    حاولت معها فطور مع جميع الأصناف ماتبي يادوب لقمه وتجلس سننننه فيها
    حاولت تمر وحليب يااااادوب تاكل وحده
    بس انوع لها أصناف ماشاءالله تبارك الله في اللانش بوكس
    بس احس انووو لازم ياكلون شي الصبح
    هالحين يوم شفتها تبي تبكي وجا الباص اضطريت اعطيها كيكه وعصير حليب فراوله احس غلط 😭😭

تابعي تجارب أخرى من هذا القسم.