🤱التباشير السادس لمواليد مارس ❤ابريل 2019🤱

الله يهون عليك هذه المشكلة الكبيرة اننا ماندري وشهو الطلق ولانعرف اعراضه :(
امس اول ماصحيت الظهر ارسلت لزوجي قلت انتبه لجوالك ترى ماني بطيبه قال وش فيه وش السالفه؟ وهو دوامه يبعد ساعه

جاتني نغزات ماغص في بطني واضحه وكل شوي اروح الحمام اعزكم الله وجاني ترجيع قلت وشدراني يمكن هذا طلق 😞 بعدين راجعت نفسي تذكرت اني قبله بيوم عند اهلي لابسه قميص واااسع وخفيف ويهفهف وكفخني البرد من كل جهه وعرفت ان هذه اعراض برد وقمت وتروشت بماء دافي وشغلت دفايه وتدفيت وكليت ادول واشوى هجدت

انا عكسك امس يوم جاني وجع خفيف ارتفع ضغطي لأني مابعد جهزت وادعي يااارب ما اولد الا اذا جهزت تماما 😭
مجلس الضيوف مابعد اكتمل يبيله شغلات وطاولة الاستقبال ماكملت كل شغله طالبتها من تاجرة غير وكل وحده فيهم تاخذ اسبوع واكثر لين تجهز الطلب وهذه اول فرحة مابي اولد الا كل شي كامل
من ضيقة الصدر قلت ياااربي حتى البيالات والفناجين مابعد شريتهن 😁😁😁

اميين
اي والله مانعرفه وهذا اللي مخوفنا 🙈
بس الاجواء هالايام ممرضة للغاية نزلات البرد كثرانة عند الاطفال والحوامل اكثر شي
انا اتذكر العام جتني بس كانت اخف من كذا لكن الحين جاية بقووة واخذ لها علاجات ولا كاني اخذ اشرب موية لان الصراحة احس يبي لها مضاد حيوي وحده بوحده لان ماتنفع نخلي الجسم يطردها براحته وحنا ناكلها تصدقين من كثر ما كحيت كل شوي اشيك نزل دم او ماي ونمت وتحلمت ان نزل معاي دم من كثر ما افكر 😂💔

توتو
الله يسعد قلبك
رفضو يعطوني غير هالشراب وهو اساسا اوراق جوافة اما الزعتر جربت اكله قبل كم يوم وجاب لي طلوق كاذبة

رسامة بلا قلم بطنك يهون عند هذاك الشي 😥
تخيلي امي ولدها مره طبيعي سعودي ومن قبيلتها لانها جتها ولادة مبكرة وكان فيها تسمم خطر وحالتها صعبة واستدعوه سبحان الله مدري كيف تعسرت ولادتها وهو كان حجم النونو كيلو و ٢٠٠ جرام

صح نفس استفساري كيف عرفو وقررو ان الحوض صغير وانتي لسى في الاسبوع 33 والجنين ماقلب ؟
في تجارب الانستقرام 50٪ يقولون للحريم ترى حوضكم صغير وفي النهاية كلهم يولدون طبيعي

ماشاء الله العنود كيف بتنفسين ببيتك ؟
حنا ينقدون نفاس الوحدة ببيتها اذا هي بكرية وفوقها اهلي مصرين علي اقعد الاربعين كاملة وازيدها بعد
لكن ماني ناوية ابد اذا صادف نهاية نفاسي برمضان رجعت قبله بحول ربي عادي حتى لو ما خلصت اكمله ببيتي لاني بروح لهم من الاسبوع الجاي وبقعد للولادة والنفاس اشوفها كثيييرة 💔💔
وفوقها سريري وسرير النونو بمكان قعدتهم يعني ماراح اخذ راحتي ابدا وهم اجيهم ويكند انام يدخلون علي مليون مره ويقولون ليه مانمتي وصراحة ارجع بيتي منهلكة فيني نوووم