السلام عليكم
أنا هالعطر قصته معاي قصة :)
فيه منه نسائي ورجالي وهو فعلا رهيييييييييييب كلمة رهيب شوية في حقه
من شهرين تقريبا وأنا أتجهز لعرسي - ادعولي الله يتمم لي على خير - كنت أدور عطر غييير .. تكون ريحته جدا مميزة وصراحة تعبت من كثر من ألف وأدور على محلات العطور ولا ألقى فيهم اللي في بالي ... لين بالأخير كنا في مركز تسوق في دبي ودخلت باريس قاليري .. لهم فرع صغير هناك وكلمت موظفة مصرية عندهم وقلت لها عن طلبي .. قالت أنا عارفة شو تبغين بالضبط وعلى طول راحت ويابت لي هالعطر مع عطرين ثلاثة .. بس فعلا تخبلت عليه !! تقولي شوفي ريحته بس وبتقولي أن فلانة قالت! وفعلا رهيب ... هي تقول أنه عطر كلاسيكي وكان موجود من زمان بس انقطع فترة مع ان زباينهم كانوا دايما يسألون عنه .. وبصراحة ما ألومهم :)
أحلى عطر في العالم كله
متابعة النقاش، صفحة 4
