مووووقف مررررعب بحيااااتي كلها ما انساه ولليوم ارجف لذكرناه

الي يطلعون بخط السفر هذولا الغول الغيلان الله يكفينا شرهم احيانا يظهرون بهيئتهم
الحل الاذان ويروح ماعاد يطلع
طبعا هدفه من طلعته يشتت ذهنك عشان تصدم او تنحرف سيارتك ويمر من جنب السياره او يقطع الخط اذا سريع مررره
ياربي تحمينا وتحفظنا

بسم لله اول مره اسمع فيهم الله يكافينا شرهم

معها

ههههههههه

مره من المرات ابونا ضايق صدره شوي مشكلة معاملة متأخره ووالخ
فقال لي ياحرمه انا طالع البر تطلعين معي ؟ ولا اطلع وحدي !
وقتها الساعه ٨ اليل وبر الديره الي احنا فيها مليان ناس وعوايل وفيه قسمين قسم فيه ملاهي وانوار متباعده وقسسسم ظلاااام يجون فيه عزاب الاغلب
المهم ذاك اليوم خميت الي بالثلاجه صامولي وجبن وحليب وو
وخذت بطانيه ومخده قلت اتربع عليها حامل وقتها نهاية الثامن
قمت لبست عباتي وشبشبي وجوالي طافي خليته بالبيت
ونروح القسم المظلم اول مره ندخل فيه طفى السياره ومخلي انوارها شغاله يرتب العزبه
معي بنتي عمرها سنه ٨ شهور
الامور طبيعيه الرجال اخذ المخده واسمع الشخير وانا لحالي اطالع بالنار
وشوي اسمع صوت كلب قريب صووته وحتى كإنه يلهث 😭😭 والله مدري وقتها انا دخلت السياره من الشباك ولا من الباب ومخليه بنتي وزوجي وانفض 🤥وركبي تصكك ببعض


ويقوم الرجال ع صرختي وياخذ البنت يدخلها ويدخل السياره
ويحط المفتاح بالسياره عشان اسكر الشباك ولا الاحظظ الشباك بطييييييييئ يالله يسكررر


ويشغل السياره ويشغل عيت تشتغل البطاريه خلصت 😭😭
بنتي جاعت واقوم اسويلها من الي اخذته من البيت
واقول لزوجي دق ع الشرطه احنا مقطوعين 😬 وهو يدق راسه ويده بالدركسون 🤕
خذت جواله واطالع الشحن ٤ ٪؜ جاني انهيااااار نفسي وتخيلت اني اولد وتخيلت يجون علينا قطاع طرق ولا دواعش ولا شباب سكرانين
جاني الففف فيلم وفيلم براسي 😪
دقينا ع الشرطه مايردون 😄 خط ساخن طوارئ والله مايردون
دقينا ع الدفاع المدني حولنا ع تحويله والحممدلله بعد نص ساعه تقريبا" جتنا دوريه ونزل ابونا بالكشاف يولعه ويطفيه لين جت الدوريه لسيارتنا


طبعا" ماحكيكم عن الشرطي الي جاء لمعة الخوف في عيونه ومبعد السياره شوي وحاط يده ع جنبه جهة السلاح وذيك الفتره مافيه الا دواعش شغالين ذبح بالامن وباقربائهم الله يحفظنا بحففظه
والحمدلله شاف بنتي وتطمن 😅 وقرب السياره وسوا لنا اشتراك الله يجزاه خير وانتظرنا داخل الدوريه لين لم ابونا الاغراض والحمدلله عدت الرحله ذيك ع خييييير ومن بعدها ماعادت طبت رجلي البر 😂😂
والحممدلله الله خير حافظ ماروح مكان الا واستودع واقرا الاذكار وان الله يقرب لنا كل خير ويصرف عنا كل شرر