باروح الحج وما احتاجه !!

1- بنات وشلون الطرح القطنيه؟؟ تكون سوده؟

2- نزين بغيت اسال عن ممممممممم المعجون عادي نستخدمه :42:؟


3- طيب وبنات عباية الراس وشلون في الزحمة
انا بصراحة شبر زود رايكم اقصرها؟؟؟؟؟؟؟؟
وكم عباية بنحتاج؟؟ وحده للمطار ما بستخدمها لغيره في الجية والرجعه وطويله العادية اللي استخدمها

بس قولوا لي اللي يلبسون عباية راس وشلون ؟؟ وهل لازم تكون قصيره ولا شلون احس بتصير تضحك وبيطلع طرف جلابيتي وخاصة اذا كنت شاله شنطه :( ؟

4- مناديل ديتول عادي؟؟؟ في وحده عندها فتوى احم

5- كم مره تتروشون في منى ايام التشريق؟؟ يعني بالعربي كم بحتاج جلابيه؟ الملابس الداخليه مو مشكله بناخذ وايد

6- سمعت ان ياخذون شي عشان الزحمة يشمونه غير الزعتر شنو؟ وشلون اسوه مربع واخيطه هههههههه :hahaha:


عسوووووووووووووووووووووله اسمحيلي دخلت في موضوعطج عرض بس والله كلنا ان شاء الله بنستفيد هنا :09:

اي والله جزاكم الله خير قولوا خل نستفيد

مشكوره اختي عسوله وايد فادني الموضوع

عسوله سجلتوا ودفعتوا خلاص حق الحج ؟؟

ومعا اي حمله بتروحون ؟؟

الله يوفقكم ان شاءالله

1- خذي طرحتين وغطوتين وعبايتين
2- معجون الاسنان نستعمله واصلا هم وزعو علينا
3- انا اخذت عبايتين وبصراحه قصرتهم شوي علشان مع الزحمه محد يدوس على طرف العبايه وبعدين لا قدر الله تطحين والباقي انتي عارفته
4- ما ادري عن المناديل بس انا اخذت بكيتات صغار عاديات
5- التروش بيصير كثير سواء بمنى او بايام عاديه لانه حر ووسخ بتتقرفين من عمرك فلازم تاخذين قمصان قطنيه كثيره وكمها طويل وخذي بعد اثنين شتوي لاني انا يوم جيت والله جت ايام برد وخصوصا اذا امطرت ولاحضي انكي بتطلعين للحرم في اي وقت يعني ممكن بالليل والا الفجر ويمكن يكون فيه برد وخذي معك وحده ناعمه وحلوه للعيد وخذي بعد ستيانات مريحه وبدون حديده او حشوه ومثل ما قالو الاخوات خذي معك فخاذيات كثير علشان الاحتكاك
6- بالنسبه لحملتنا هم وزعو علينا كمامات تغطي الفم والخشم
وبالنسبه لجزمتك وانتي بكرامه والي يقرؤون خليها بوت مريح وواطي من الرخيصه وتكون عاليه شوي من جهة الساق وخذي بعد شبشب حمام وفوطتين صغار لوجهك و2 كبار لجسمك وشراريب سود خليها درزن احسن لبسي وقطي لانه ما فيه وقت للغسيل وخذي صابونة غار احسن ومافيها ريحه لوجهك والشامبو خذي القديم الي ما فيه ريحه وطبعا بنادول وفيفادول وفازلين وفرشه لشعرك وبكل وفوط نسائيه ومقص اظافر ومقص شعر وسجادة صلاة وشاحن جوال وبساكيت شوكولاته لوقت الازمات لان وجباتهم 3رئيسيه ولاحظي انكي بتمشين كثير يعني تحتاجين لطاقه فطبعا راح تجوعين فكثري من البساكيت والكيك احسن لك وشنطتك الصغيري الي بيدك خليها احسن من النوع الي تلبس مايله يعني تدخلين يد واليد الثانيه برا احسن لك واضمن لك من السرقات وخلي فيها 4حبات بنادول وفيفادول وبوكك لانك ممكن تحتاجينه في شراء اي حاجه وجوالك وطبعا قران صغير وكتيبات للادعيه وخلي معك بيدك قارورة موية صحه لانك راح تعطشين كثير واذا كنتي بتروحين للحرم خذي معك كيس صغير تحطين فيه جزمتك وجزمة زوجك وتمسكينهم معك بيدك والله يكتبها لكم ولكل من لم يحج وادعوا لنا
والله الله بالحج ترا مو كل سنه راح تحجين خلي كلامك مع الناس قليل خلي لسانك مشغول بذكر الله ودعائه وقراءة القران وخاصة في عرفه ترا راح تشوفين ناس سوالف وضحك واكل انتي افرشي سجادتك تجاه القبله ولا تتحركين منها الا اذا قالو خلاص وقت المغيب بيرحون لمزدلفه واذا كنتي جوعانه كلي شي والا صبري نفسك لوقت ما تطلعون لمزدلفه والله كلها ساعات وينتهي وقت عرفه والله انكي ذكرتيني بحجيتي وبتجهيزي للحج الله يتمم عليكم وترحون وترجعون لهلكم سالمين غانمين مغفور لكم كل خطاياكم كمثل يوم ولدته امه والله اني غبطكم وامنى من الله انه يكتبلي حجه عاجل غير اجل
ادعولي بالهدايه وان الله يرزقني باولاد صالحين

فديتك والله يا حبيبت عاددددددددددددددل دمعتي عيني
والله شوقي لهالرحلة ما ينوصف ربي يكتب اللي فيه الخير لنا ولك وللجميع ياااااااااااارب العالمين

طيب انا بي اعرف وشلون تجي الطرحات القطنيه ... هب زي اللي يلبسونها خواتنا الفلسطينيات؟ !!

والكمامات وحدة حاطه فتوى عنها

وشلون بوت انا دايما اشتري الي زي الباليه تكون مريحة وسريعه في المشي وسوده وهي رخبصة بعد هل هذي الي تقصدونها؟؟


والشامبو قصدك الأحمر خخخخخخخخخ

وفيفادول وشله؟ معليش ما اعرف ليه استخدمه :S
والفازلين في ايش بحتاجه ؟؟

وشلون تلبسن هالشنطة من تحت العباية؟؟:42: لان عباية راس

والبساكيت وشوكولاته والكيك متى بحتاجة بالضبط ؟؟ في يوم عرفه ؟



وان شاء الله ماراح انساك يا حبيبة عادل من دعائي باذن الله اني وكل بنات المنتدى امين يااااارب
بذكرك يوم عرفه وهذا والله اللي كنت ناوية عليه افرش سجادتي عشان محد يكلمني


:) ربي يجمعنا في جناته يااااااااااااااااااااارب
ويجعلنا من الملبين ياااااااارب في كل سنه امين يااااااارب
ويكتبنا من الفايزين بالدنيا والاخره

انا الي اشتقت للرحله واتمنى انها تكرار ومافيه شي على الله صعب
الطرحات القطنيه الي تكون رخيصه مثل حقات جدادتنا لانها تتشرب العرق وانتم بكرامه وتون رخيصه وسوداء
وايش الفتوى عن الكمامات الكل يلبسها بس انا والله ما احتجتها اكثر شي الرجال لانهم ما يتغطون
البوت ال انا اتكلم عنه يكون واطي ومرتفع شوي من عند الساق علشان تمشين وانتي مرتاحه لانك راح تمشين على وسخ وزبايل وناس نايمين وجالسين ومويات يعني اريحلك مافيه شي يجي على ساقكك وتكون الجزمهسوداء
ايه الشامبو الاحمر
الفيفادول لو سبحان الله جاكي تعب ولا حراره والفازلين للتسلغات الي بين الارجل لكي او لزوجك لانه ماراح يلبس الا الاحرام وطبع مع المشي راح يكون فيه تسلغات من احتكاك الارجل مع بعض اما انتي فانشاء الله ماراح يجيكي لانكي لابسه الفخاذيات وحاولي تشترين لين الركبه
الشنطه البسها تحت العبايه اضمن لي ولاغراضي
اما البساكيت والشوكولاته فانكي راح تحتاجينهم في اي وقت مو لازم في عرفه حتى في المخيم ممكن ما يعجبكي اكلهم او يتاخرون او ماتشتهين في وقتها او تكونين بالحرم وتجين متاخره يعني في اي وقت حتى بالباص وانتم بطريقككم لمكه
والله يتممها لكم ويسهلها لكم ويسهل لكم الطريق ويطوي عنكم بعد المسافه وتروحون وتردون بالسلامه وامانه امانه لا تنسيني بالدعاء بالهدايه وبالذريه الصالحه ويكنون انشاء الله ذكور لانه عندي بنتين الله يهديهم ويصلحهم واذا رجعتي ارسليلي رساله خاصه خبريني فيها عن رحلتلك الله يكتبها لنا امين