🤱التباشير السابع لمواليد مارس 💙💖ابريل 2019🤱

في مراجعتي هالاسبوع اسمع اللي بالاستقبال يقولون فيه وحدة جاها بكتيريا من غرفة الولادة لها الان شهر منومة في العناية وزي المشلولة ما تتحرك

قلت يارب تكتب لنا السلامة والعافية اهم شيء
والا التأخير حدنا اسبوع عشر ايام وخلاص تنويم
هانت ان شاء الله

ياقلبي كل الاسامي الي قلتيه حلوه

وسعي صدرك يجي ويجي اسمه معه اهم شي مايكون اسم ووع يتعقد منه الصغير

سلمان سعود تركي عزام كله زينه

الرجل لاتناقشينه ابد والله انه يقول لي اسامي واضحك واسكت وانا حاطه براسي عبدالمجيد كانه ولد باذن الله

ولاناقشته قلت له مره وقال لا لا لا وسكتت وصار يعطيني من اسامي اجداده تحووم الكبد والله لو زينه ماقلت شي

واضحك ومخططه قبل ادخل العمليه ارسل له اذا ولد عبدالمجيد واذا بنت رتيم لانه هو قال الاسم ذا وقرات معناه واعجبني وقلت خلاص اعتمد لانه البنت تحير غير الولد

وبعده سكت يقول شكلك بنت ٩٠ بالميه قلت خلاص بنت رتيم
وقال ولد قلت عبدالمجيد او عالعزيز قال لا ذا ولا ذا وقلت لعيالي اذا ربي يسر لي خيروه بين هالاسمين


انتي كذا اسكتي وخلي عيالك يتكلمون بابا نبي الاسم ذا ويصرون عليه خلاص يستسلم 😉😉😉😉😉

اعوذبالله الله يحمينا ويحفظنا
فين في أي مستشفى؟؟

😭😭😭😭

الله يكفينا الشر ويعظم اجره ويقومه بالسلامه

عطري


انتي اذا قال اسم لاتعارضينه نهائي وتقولين لا كذا يعند


قولي والله اسم حلو وذوقك روعه بالاختيار بس بيقولون الناس سمته على فلان واذكري مين عنده هالاسم 😉😉😉😉😉


وكلما قال اسم سوي انه اعجبك بس بيقال سموه على فلان وعلان وهكذا يمل ويقول دوري انتي 😉😉😉😉😉