عدو عيني جعل ماعنده بنات 💜💜

جدتي الله يرحمها كانت تقول اللي ماعنده بنيه تمشي على فراشها الحيه ( الثعبان )...
ورغم ان عندها ٧ اولاد وأربع بنات الا انها تفتخر ببناتها وتقول شانيتي (عدوتها ) لها بنت وحده وانا أربع بناتي 💜💜💜


اليوم كنت عند اهل زوجي وقاعده تسولف ام زوجي عن حرمتين متزوجين واحد وحده عندها ٣ اولاد ووحده عندها سبع بنات تقول بعد الولد الثالت شالو لها رحمها بس مو مشكله الولد الواحد يسوى السبعه بنات عند هذيك كلهم .. للعلم ترا ام زوجي متعلمه لاتقولو خبرها قديم ..
المهم وفي نص الكلام قام قال زوجي علي هو لو ولد مفروغ الحكي اكيد نايف لان اسم ابوي نايف واسم ابوه نايف ياجعل كل نايف سالم 💜💜
بس لوبنت ماادري محتارين قالت اخت زوجي الكبيره بعد كل هذا التاخير وتبون بنت فالو ع نفسكم فال خير وبعد عن اسماء البنات بلا نحس ..
انا عيوني تتلاقط ...
قلت انا كلهم نعمه وفضل قالت ام زوجي اي الحمدلله بس لوبنت خليها عندك لا تجيبنها لنا
تتوقعون ممكن اذا جاءت بنت ماراح يحبوها او يتقبلوها ؟؟
هل معقوله للحين في ناس تكره وتتشائم من خلفة البنات ؟؟
بصراحة كل وحده تقولي رغبتها ورده فعل زوجها ع عيالها
ببدا بنفسي صراحه البكر مو مهم عندي ولد او بنت بس لو جبت ولد اكيد ابي بنت الثاني واذا بنت ابي ولد بعدها وزوجي عادي عنده وفرحان بحملي الله يتممه بس خايفه يتغير تفكيره من كلامهم واذا جبت بنت مايحبها !!