تجمع تبادل الخبرات لامهات اغلى اطفال

عليكم السلام
ماشالله عليهم ربي يحفظهم من جد وقت تشوفينهم بعافيه ترتاحي
ربي يحميهم


ولدي حمدلله اتعلم الحمام بس عنييييد يعني يقول ابغى حمام اوديه اذا مالبس جزمته يجلس يبكي ومايسوي شيء 😭😭😭

السلام عليكم كيف حالكم
حبيت ابشركم بسم الله ماشاءلله تبارك الله ولدي تعلم الحمام 100٪ يارب لك الحمد كله بفضل الله
عندي مشكلة وهي ان ولدي من يصحى لين ينام وهو يصيح ويطفشني والله تعبت الصداع معد يفارقني وابوة كره البيت من الصياح ويضربنا ويرمي كل حاجة اشتري له العاب كل يومين لعبه وبعض الاحيان لعبة كل اسبوع ولا يمكن تكمل معه 24 ساعه على طول يرميها وتنكسر ويصيح
انا كل ويكند اطلعه مول فيه العاب ع عمره يلعب شوية وبعدين خلاص يصيح وومعد يبغاها وحديقة وبر ماقدر اطلعه عشان عندها هوا قوي تعرفت ع جيران عشان خاطره بس للاسف وحده سحبت عليه كل مارسل لها تشوف كلامي وتطنش والثانية اولادها كبار في الثانوية تعبت والله راسي كل يوم يوجعني كل يوم اتاكد اني ماني قد المسؤلية وماني قد اني اكون ام مره ثانية دايم اسال نفسي هل كل الامهات كذا ولا اانا وحيدة هذي الايام بس ادعي ع نفسي واليوم بالذات دعيت ساعه استجابة💔 خايفة ربي يستجاب😔 معد اعرف اتعامل معه ااشتري له سبوره واقلام ودفاتر وتلاوين ويرميها ويكسرها كوره سيارتت مكعبات العب معه يرميها عليه اشغل له افلام كرتون طيور الجنه يعصب قبل اسبوع رمى على التلفزيون العاب وانسكرت الشاشه بكيت كثيييير اعطيه مسكن من فتره لفتره اقول يمكن مريض مايسوي شي وماهو مريض بس اريح ضميري بحثت في حسابات الامومة ماش ماستفدت انا اسوي زيهم اسوي انشطه مختلفة ولاتعجبه ولو اعجبته ماتتعدى 3!دقايق ويرمي كل الي قدامه معليش والله والله ماعندي احد افضفض له اعرف مشكلتي مالها حل لاني بحثت وقرات كثير مافيه حل بس ادعولي بالصبر والهدوء لاني حاسه نفسي مريضه وراح امرض من كثر مادعيت على نفسي

الله يعينك ويفرج همك الأمومة صعبه يبيلها صبر واعصاب باردة
كل م ضاقت بك نفسك استعيني بصلاة والدعا لاتدعي ع نفسك بل بالهدايه والصلاح طفلك شكله وحيد ويطفش يبي اطفال يلعب معاهم وينبسط ويخرج طاقته فيهم
اذا تقدرين دخليه حضانه شهر وشوفي كيف نفسيته تتعدل
اذا احنا الكبار نمل من الروتين والبيت فما بالك بطفل
بنتي وحيدة واذا طلعنا ع اختي تنبسط مع العيال وتنفتح نفسها للاكل والعب
وباقي الايام طفشانه وتصيح تبي الحديقه والبحر أو تسوي مثل ولدك ترمي الألعاب وتسوي فوضى بالبيت الله يصلحهم ويعظم الاجر ع تعبنا

نفس ولدي لانه كان وحيد واول بيبي جبته بعده بعمر سنتين ونص والحين عمره ٥سنوات مره يختلف عن باقي الاطفال ولا يحب العب بالسيارات وهالاشياء لان ماكنت العب معه بالعكس يموت من فرحته اذا عطيته اواني الطبخ او تركته يلعب بالواعين لان يشوفني من اطبخ واغسل فحبها عكس الالعاب
فكري ودخليه روضه وانت حملي جيبي له اخوان لان الطفل يبغي معه اطفال بعمره ينبسط ويفرح معهم
الله يهديه ويصلحه ويحفظه لك

صباااح الخير
مممم زممان عنكم ❤️❤️
ان شاءء الله الككل بخير