التجمع 122للمقبلات على الحقن المجهري وأطفال الأنابيب

السلام عليكم ورحمة الله وبركاته
كيفكم بنات جميعاً
لي تقريبا اربعه شهور منقطعه عن التجمع الله يسعدكم جميعاً
طبعاً انقطاعي كان بعد فشل عمليتي
انشغلت مع اهلي كان عندهم مناسبه الحمدلله انتهت على خير وانا انتقلت من مدينتي وانشغلت وباقي مااستقرينا ولكن رجعت قريت كل التجمعات اللي فاتتني ماشا ءالله
والله فرحت لكل وحده نجحت عمليتها الحمدلله ربي يتمم لكم وزعلت مع كل وحده مانجحت ودعيت لكم
اسأل الله ان يعوضنا جميعاً ويجبرنا بقدرته سبحانه ويرزقنا الحمل السليم المعافى
اشتقت لكم والله والحين رجعت بأذن الله انتظر دورتي القادمة بأبدأ من جديد وربي يفرحنا يارب ❤️❤️

اتذكرك من التجمعات اللي قبل
الله ييسر امورك ويكتبلك الخير بهذي المحاوله يارب

يا قلبي والله انا شايفه انه هذا خير علشان تغيري الدكتوره على طول اطلبي غيرها
ثانيا اشوف انك تطلعي للإدارة وتبلغيهم كيف يعني العينه في نهار رمضان احسها تضحك عليك اذا في الخاص العينه تعطى مساء كيف الحكومي والله يا حبيبتي احنا مسلمين ونعرف رمضان خير ان شاء الله ماابغى اظلمها استغفر الله بس كأنها تبغى تأجل موعدك بس وقال ايش قال الدكاتره اجازه ماشاء الله بيقفلوا المستشفى 🤔
اطلعي كلميهم قولي انا من اول منتظره ابغى اغيرها ماني فاضيه استنى كمان كم شهر وعلى طول تروحي لدكتوره غيرها
سبحانك اللهم وبحمدك اشهد ان لا اله الا انت أستغفرك وأتوب إليك والله انا مااعرف الدكتوره ولا المستشفى استغفر الله بس انقهرت احس حطيت نفسي مكانك
ربي ييسر لك وللجميع

حبيبتي آمين يارب ويرزقك ربي قادر في هالعمليه ان شاء الله ويفرح قلبك
في اي مرحلة الحين وكيف قريبك قريت لك تعليق انه مرض وبيسوي عمليه يارب انه صار أفضل اسأل الله ان يشفيه
عارفه انا عمليتي الاولى مع الدكتور مازن والحمدلله حملت كنت بالبرنامج الطويل أبره تحضيرية ثاني يوم الدوره
عمليتي الثانيه كمان كنت عنده كان يبغى يسوي لي البرنامج الطويل وانا قلت ابغى القصير ومره كنت مستعجله وقال لي اللي يريحك وسبحان الله ربي مااراد لي الحمل
بعيدها ان شاء الله وان شاء الله ماعاد اتلقف أبد قال بسوي معك الطويل قلت تمام ويااااارب يارب ييسر لي وتنجح معك يارب

قمة وفاء اسأل الله ان يعوضك ويفرح قلبك بالحمل ادعي الله في وقت كسرك كل قهرك طلعيه على سجادتك تكلمي باللي تبغي تقوليه لله سبحانه وتعالى هو العالم بضعفك ووالله دعوتك لما تكون بوقت كسرك وقهرك تطلع من قلب وتريحك وباذن الله ان ربي يفرح قلبك متأكده وكوني متيقنه ان الله بيعوضك بافضل وبيرزقك ان شاء الله التوأم ربي اللي يرزق العقيم وربي اللي يعطي الذريه مو الدكاتره