👼 التجمع الثاني لحوامل مواليد سبتمبر & أكتوبر 2019 👼

صباح الخير
قبل كم يوم جاني الم فضيييع في ظهري وبطني
رحت الطوارئ وعملوا لي سونار
بالغصب بان النبض ، طبعاً خفت بس الحمدلله الدكتورة طمنتني
النونو يشقلب ويتحرك ما شاء الله 😍
يا رب تقر عيني بشوفته سليييم وتام الخلقة
صار لي ١١ اسبوع الحين


بالنسبة لإحساسي بجنس الجنين
انا عندي ولد وحاسة هالمرة اللي ببطني ولد
مع ان الوحام مختلف تماماً
بولدي ما توحمت ابد وهذا الحمل تعبني الوحام


طبعاً خلاص خف عني الوحام كثيير وان شاء الله ارجع لحياتي الطبيعية مليت من السدحة ع السرير 😭

انا والامساك ربع في كل حمل
شوفي حاولي تدخلين الحمام ولو ماحسيتي بشي احلسي طولي
انا مانفع معي الاكل بصراحه لا برتقال ولا كيوي
وادوية الشراب تسبب لي لوعه رحت للدكتوره وصفتلي حبوب صرت لما ابي اروح الحمام اخذها وكم ساعه ويبتدي مفعولها وارتاح انا من كثر الضغط نزل دم من تحت

بنات انا استخدم ابر سيوله ووقفتها من كيفي لما جاني النزيف وقريت بالنت وحده وقفتها ووقف نبض جنينها😭😭😭 يارب دخيلك قعدت اوسوس بروح اليوم بشيك احس بيطردوني ازهقو مني كل ماقلت هانت جد علم جديد شاسوي 🤷🏼‍♀️

صباح الخير بنات تجمع الجميل
اخباركم اليوم ان شاءالله سهالات يارب

ي قلبي لاتخافين واستودعي الله مافي رحمك مافي مشكله روحي تطمني افضل لكن لاتوسوسين كثير يتعبك والله توكلي على الله وكل شي تمام وطمنينا حبيبتي فالك الخير