الحقوني بنات بنجن من التفكير

يختي فكري بمنطق ..لو زوجك مع الشغالة ما استعمل الحبوب لأن الحبوب يبي لها استعدادات وقتية .
صدقيني الشغالة لقتها وحطتها لكم زي كل الشغالات يحطون المفقودات تحت الكنبات والطاولات ولا حتى يعرفون وشي ..
أو لقتها في الغسيل في جيب زوجك ....
عندك أولاد شباب ..؟
طمني بالك واستهدي بالله وآمني بالمكتوب أيا كان .

استغفرالله اختي، وايد بالغتي بالتفكير و رحتي بعيد، لو انا منج بفكر واهيا تنظف لقته ورا القنفات او طايح اي مكان وحطته فوق واهيا يمكن ماتدري هذا شنو اساسا ولا شنو سالفته، و بالنسبة حق الحبوب، تاريخ الانتاج ٢٠١٧ يعني الحبوب قديمة وهذا يأيد وجهة النظر ان لقته واهيا تنظف وشالته، اعتقد ان زوجج ياخذ الحبوب عشان العلاقة معاج ومستحي ومايبيج تعرفين عشان جذي مو مصارحج بخصوصهم، ليش راح تفكيرج ان يسوي علاقة مع الشغالة ولا علاقات خارجية، ليش سوء الظن اذا اهوا مو هذا طريجه اساسا وانتي بنفسج قلتي الشغالة مسوية تنظيف عميق.. استغرب من اللي تفكر ان الشغالة مثلا حطته عشان تعطي اشارة على شي معين، يا بنات انتبهو من الوساوس والشك والاوهام دايما احسنو الظن والله الوساوس تعيش الانسان بقلق..
عزيزتي انا اقترح عليج بهدوء ساليها، هذا وين لقيتيه؟ مو بطريقة شك، راح تلقينها تجاوبج الجواب اللي يريحج باذن الله..

إسألي الشغالة وشوفي وجهها وطمنينا..
الله يعينك..أتوقع لقيتها وهي تنظف

معاها ١٠٠٪‏

ان شاءالله ياااارب يكون هذا الي حاصل وماعندي شباب كلهم صغار والغسيل انا امسكه هي بس عليها الكوي فماعتقد حصلته فالملابس