هذا هو صراحه أنصدم من كميه الادويه اللي يأخذونها او تجي وحده وتكتب لسته طويله عريضه بالأنواع اللي تأخذها وتجي اللي بعدها وتسجل عندها وتروح الصيدلية وتاخذ منها وفوق هذا كله تروح تأخذ الmultivitamins وهي أصلاً ماتدري انه مركب فيه كل انواع المعادن والفيتامين يعني تأخذ الدبل بقول لكم شي ترا حتى زيادة الحديد في الجسم لها تاثير اتقوا الله في أجسامكم وفي انفسكم قبل الإقبال على العمليه فيه تحاليل سووها مثل cbc وفيتامين D وB12 وذي اهم شي كانت في المعدل الطبعي خير وبركه فيها نقص اخذوا اللي يكتبه الدكتور بس
السموحه يابنات اني من امس وانا أتكلم عن عالموضوع بس من امس من تكلمت هنوف الله يشفيها والله تذكرت كميه الادويه اللي تكتبونها واللي تسال الثانيه عن أدويتها وتكتب بحسن نيه الادويه
اذكر تكلمت مره عن هالموضوع وفيه وحده ردت قالت انه فيتامينات ماتضر وأنه لازم يكون مخزون في الجسم الا تضر وأي شي زيادته في الجسم تضر إنتي مب سياره إنتي ادميه كان كل شي في المعدل الطبيعي خلاص توكلي على الله
حتى في شهور الحمل الاولى مايعطونكم شي غير الفولك أسيد بس لين تخلصون الثلاث شهور الاولى يصرفون الفيتامينات وغيرها
السموحه عالاطاله بس اتكلم من حرقة قلب والله 💔
التجمع 122للمقبلات على الحقن المجهري وأطفال الأنابيب
متابعة النقاش، صفحة 364