السلام عليكم
جاني زوجي من الدوام يوم الخميس قال تكفين يام افلان قلت ابشر قال زملائي كسبو علي الرهان انا وخويي وكنا متحدين على مباراه وفاز الهلال
وتحديناهم على وجبه وقالو يختارون طريقتها بكيفهم
وكنت ابسويلهم ذبيحه انا وخويي ورفضو قالو تجيب الفطور الاحد وبيعقدون الموضوع على زوجي وصاحبه المهم عطاني 1000 قال بس خلصي ذا الموضوع
قالو له فطور من البيت ومحلفينهم مايجي شي من خارج البيت حتى الخبز تسوونه في البيت
وزوجي كلم زميله وارسل له رقمي عشان انسق مع زوجته المهم زوجته صغيره باين مو مهتمه توهم متزوجين وقالت ماعرف الا فول وعدس قلت اسوي مقلقل لحمه ويمكن ماضبطه المشكله حتى خبز ماعرف اسوي ومابغى احرج زوجي عطوني افكار ربي يسعدكن شايله هم الموضوع وعددهم ممكن 11
شاركي في النقاش
سجلي الدخول لإضافة تعليق.
التعليقات
137- جيبي من برى وريحي ملايكتك يحمدون ربهم انكم بتفطروهم وأساسا اول مايقعدو عالسفره راح ينسون سالفة شغل يد ولا من برى بياكلون وهم مبسوطين
مناريتا جيبي من برى وريحي ملايكتك يحمدون ربهم انكم بتفطروهم وأساسا اول مايقعدو عالسفره راح ينسون سالفة شغل يد ولا من برى بياكلون وهم مبسوطين
لالالال ترا كله يوم واحد بس مايسوى تفشل زوجها قدام اخوياه
شوفي طريقة الخبز في اليوتيوب مره سهله
سوي شكشوكه وحمسة تونه واذا فيك حيل سوي كبده يحبونها الرجال مع الفطور واشوفها اخف واسهل من مقلقل اللحم
بيض مسلوق ع شوي مقبلات واجبان والحرمه الثانيه بتجيب فول وعدس مع ترمس شاي وترمس حليب واظنه وافي وكافي👍🏼- نواشف واجباان منوعه وبيض مقلي وكبده وفول وحمص وزيتون وعصيدة بر بالعسل ومصابيب ، وشاي كرك وشاي منعنع ..
- ذكرتيني باللذي مضى💔💔
مره قال زوجي الدور علي بالفطور وابغاك تسوينه
وكنت وقتها عروس وابغى اطلع ابداعاتي
واروح اعجن عجينة فطاير وششششش كبرها
وانزل السوبرماركت واخذ جميييع انواع الاجبان واخذ اللبنه واخذ الزيتون
واخذ اغراض لنوعين سلطه
وارجع البيت واشتغل من الساعه12الليل اللين6الصباح
صلحت جمييع انواع الفطاير بحشوات مختلفه
صلحت كودود
وصلحت نوعين سلطه
سلطه خضراء بالذره والزيتون
وسلطة الجرجير بالرمان
وقهوه وشاهي
ووزعتها في بوكسات كل بوكس فيه تشكيله
بس بعدها حلفت ماااااعاد اتعب عمرري والله يرزق الاسر المنتجه
اذا صار عند زوجي فطور اتصل بوحده تصلح له فطور وانا اصلح القهوه والشاهي - البنات ماقصروا
الخبز جربي بدري واذا ضبط معك او جهزي الفطور
والخبز يجيبه من برا
مواضيع مشابهة
تابعي تجارب أخرى من هذا القسم.