بنات وش شعوركم يوم وقفتوا قدام البنااات وبديتوا تشرحون الدرس ,, ولأول مره ؟

هلا والله هلالية

بصراحة احسك بتكونين مدرسة فلة تعالي درسينا >> الا انتي كم باقي لك وتتخرجين ؟؟

عاد احنا مصادقين التيشر حقتنا العام ومبتلشين هالسنة بتيشترنا قاعدين نطفشها عشان يجيبون لنا تيشر العام >> شفتي الولاء

انا في اولى ثانوي ويجيبون لنا بعض الاحيان مدرسات وكثير تجي الوحده مرتبكة ولا خايفة ولا بعض الاحيان تحسين شوي وبتصيح وفيه مدرسات ما شاء الله ثابتة وقوية تتصرف بعفوية يعني تمزح مع البنات وتضحك مع ان المشرفة والوكيلة يكونون حاضرات ب هو على حسب شخصيتك


ملقوفة صح بس احب اسولف

شوفي ياقلبي عني انا اول مادخلت الفصل ووقفت قدام طالباتي الله لا يوريك عادت بي الذكريات الى كل صغيرة وكبيرة سويتها في معلماتي وقلت والله البلشه والله كل اللي سويته يابنت بيصير فيك اللحين ؟؟(لاكن كما تدين تدان .)
وبعدين يوم عن يوم صرت اتقبل كل شي يصير على الرغم من اني ما احب ارتبك او بمعني ما احب احسس احد بحجم الربكة اللي انا فيها .
وصرت اعامل طالباتي كأنهم زميلات واحسسهم بذا الشي على الرغم اني ما اتقبل التعليقات الجانبية
ومن حسن الحظ او ربما الردائه في الحظ اني ادرس مرحلة ثانوية يعني فارق السن ماهو كثير ؟؟
احب احسسهم بالإحترام لشخصهم لكن فية ( فئة ما ينفع معاهم الا اني أتريق عليهم ما ابي اعصب فيهم ( بس اضحك بعضهم على بعض وبنات الثانوي مايحبو احد يضحك عليهم !!!
اما المعلمات والله اول مادخلت عليهم الغرفة قلت والله شكل التعامل معهم صعب ؟؟ما اقدر ارتاح لهم واتكلم معاهم لكن بفضل ربي لم يدوم هذا الشعور الا يوم او يومين بالكثير وبعدين صرت كأني اعرفهم من زمان ؟؟
وربي يسهل امورك ياعسل .

انا اول مادرست ابتدائي مع اول متوسط
اول مادخلت وابي اشرح رجعت بالذاكره للخلف اقول بخاطري انا كنت اجلس على هالكرسي واليوم انا واقفه اشرح احساس غريب بس الحمدالله ماارتبكت ولاشي مع انه بداخلي اول مره كنت خايفه
وخصوصا لما تحضرلك المشرفه انا حسيت بالبدايه بخوف بس الحمدالله مابان علي بس بعدين عاااااااااااااادي مايهمني من يحضرلي صار شي عادي جدا
بس والله متعه اذا كنتي بتحبين الماده الي تدرسينها وتشوفين نتائجها على البنات خصوصا اذا حبوا الماده
وربي يسهل عليك وتتخرجين وتجربين التدريس