ايش العادات المختلفة بينك وبين اهل زوجك

تقريبا كل شي زي بعض
بس هم يجلسون مع الحمو عادي ويسولفون ويقهوونهم
أبوي كان محافظ علينا بالذات البنات ويروح تعبه بلاش لاوالله ما يروح
لما تزوجت حاول بعضهم يدخل علي مرارا وتكرارا لين طفشت وقلت إذا بيدخل أنا خارجه بعصبية وهجد
وكمان عندهم بعض الكلمات مو عندنا وإحنا كذلك عندنا بعض الكلمات مو عندهم

فيه اختلاف بسيط هو من قبيله وانا من قبيله
وكلنا من الشمال يعني نفس العادات♥️

اختلاف بسيط جدآ لانهم اصلا من اهلنا

اهل زوجي مرررررره هادين مو حقين حفلات او عزايم او ديجيه وفله
عكس اهلي نخترع حفله ونستانس
اهل زوجي ماااااايهتمون لشي اسمه واجب يعني ممكن بنتي تمرض وتتنوم ونطلع ولا اشوف احد منهم
بس اهلي يهتمون بهالامور حتى لو الشخص من بعيد لااااازم يقومون بواجبه
بس رغم الاختلاف مااااايضايقني هالشي لانهم محترميني

نفس وضعنا 😂

اهل زوجي المتنفس حقهم العروس او الزيارات
مرره متواصلين مع بعض ماشاء الله بحكم انهم جيران والباب قبال الباب
احنا متواصلين علي نطاق اضيق
يعني نجتمع مع اخواتي واخواني وعيالهم ماشاء الله نكفي قبيله 😂😂

اهلي يقدسون التمشيات والطلعات
اهل زوجي لا

اهلي يهتمون بالكشخه والضيافه
اهل زوجي ابسسسسط بكثير

في بداية زواجي حسيت اني جيت كوكب ثاني
بس مع الوقت تعودت عليهم
وهم تعودوا علي