الأحداث الجديده عطوني رايكم فيها

اول كانت واقفه معي لانه تدري ان ولدها كان محسرني.
الحين وقفت معه لماشافتني اصور سناب وكذا حطت ببالها كل الطلعات هو مطلعنياها

انا ما اعرف مشاكلك مع زوجك عشان احكم عليه.
لاكن اتكلم بشكل عام الرجل بمجتمعنا ما يخسر شي بطلاقه بيتزوج بدال الزوجه بيلقئ اربع زوجات والبيوت مليانه بنات...
وانا مو مع الزوج واعرف ان بعض الرجال مثل الوحش وظالم ومايخاف الله
لاكن انتي حلي مشاكلك بشكل انك تحافظين علئ بيتك وعيالك من التشتت والمشاكل الطلاق بيظرك عيالك ومدارسهم وغيرها من الامور...
اذا مع زوج فلوس خوديها وحطيها بحسابك ودوري شغاله بنفسك.. وامه مو لازم تتصلين عليها وتتشكينها.. وحافظي ع بيتك لصالحك وصالح عيالك.. اذا فعلا تبين بيتك وحياتك
والشغاله موضوعها بسيط ما توصل للطلاق والتهديد منك.. فكري زين قبل لا تندمين.

ايش تبغي بواحد سكرجي وراعي بنات بدل ماتطلبي شغاله اشرطي عليه يترك القرف الي هو فيه ولا يطلق انتبهي لايجيب لك الامراض

خذي الفلوس وتولي موضوع الشغالة فيه مكاتب كثيرة والحين يوظفون حريم تتعاملين معاهم .أو أحد أخوانك يقدم ماهي قضية التقديم على شغاله .
امسكي بيتك حتى لو ما تبينه ...قولي البيت لي ولعيالي وأنت اطلع ..
ماعليك منه لك الحق في المكوث في بيتك سواء نظيف والا مو نظيف أنت حره ببيتك .
خيريه بين أمرين
أما يكون زوج وأب حقيقي
أو يطلع من البيت ويشوف حياته مع غيرك ومو شرط الطلاق يكفي الطلاق العاطفي والجنسي ...وحقوقك المادية تجيك كاملة .
لو حس بقوتك هذي بيكون الوضع لصالحك ..
بيتك بيتك امسكيه ... وهو بقريح

سبحان الله ١٢ سترتي عليه ... ويوم شافك ملتي عن الطريق قام يفضحك ... وللمره المليون تراه كذاب لاتصدقينه دق وقال لامه دوري لي مره ووضعي تعبان تعالي شوفي .... ولا امه ماتقرا الفنجال وتجي على وقت الحوسه !...


لو هو شاريك . اقل شي مافتح لها باب الشقه وقايل طالعين ... وشوي ويروح لها ببيتها ولا يخليها تشوف تقصيرك ....


على بالك الشغاله حل سحري لمشكلتك ...هذا هو راح ياربي لاتبلانا وشوفي عاد يسلم من الامراض ولا لا ....
تجيك شغاله تتجقم وداحريها وداحري الرجال ... بدال لاتحلين موضوعك وموضوع السفر حاطه حيلك بخدعه لنفسك ...
الله يعينك ... مشكلتك كبيره ومع كبرها ساتره عليه ؟..حتى مافكرتي تصارحين امك وتقولين لها . مافكرتي . تردين على امه وتقولين لها . ولدك مايستاهل حتى بيت يضفه عشان يستاهل بيت نظيف ...


لاعاد تشتتين العيال . وانتي واقفه مكانك . خلاص . كملي حياتك . ولا تحاولين تسوين حالك قويه . لاني قلت لك بموضوعي الاول انتي ضعيفه . وتصدقينه بسرعه .وهو محترف بالكذب .
اخوك لو تبين تقولينه وجازمه تدقين تلفون وتقولين الاول والتالي . بس ١٢ سنه صبرتي . كملي الله يرضى عليك انتي ضعيفه منتي حمل لمكر زوجك وامه . كملي . صبر وبسكات بعد استري عليه خليه يواصل شخصيته الذهبيه . اللي بكره امه تخطب له وعذرها السمين حرمته رفله ووصخه وانا شفتها بعيني ...


من خبرتي بالحياه . ومرت علي وحده نفس قصتك . ماراح تتقدمين ولا خطوه . عشان جذي لاعاد تعودين حركاتك .وتفضحين نفسك . وتحطمين عيالك .. كملي برنامج التصديق .وصدقي كذباته . وعيشي حياتك ...
لاتزعلين من كلامي .المستشار مؤتمن . وانا عطيتك رايي بكل امانه . وكتبته وتعبت عشان مصلحتك . موفقه..