🌙📿التجمع الخامس والعشرون لمواليد (مايو &يونيو )📿🌙2019

بنت النور سلامت بنتك ماتشوف شر

جنوبيه الله يعين موسم الامراض الحين حاولي تكافحينها بالليمون والعسل والثوم ويارب مايتعبون
انا بنتي الاسبوع اللي راح هدت حليها الانفلونزا

معك حق حبيبتي ودنا نتطمن عليهم بس ماندري عن ظروفهم ترا والله مع تعب الوحده حتى نفسيتها تصير صصفر

مالهم مننا الا الدعاء والله يطمن قلب كل وحده فينا ويقومنا بالسلامه

انا زيك قالتلي امس لما رحت لها الدم عندي ٩ قلت انا عندي جرثومه المعده وتتعبني الحبوب كتبت لي ع ابر وببدا فيها من بكرا


اذا بتاخذين الحبوب لازم تعطيك الجرعه هي غالباً من حبه لحبتين باليوم بس الافضل تسألينها

صباح الخير جميعاً
اشكرررر كل وحده سألت عني وطمنتني وهدتني ودعت لي الله يسعدكم جميعاً ولا يحرمكم الاجر ماتتصورون بعض الردود كيف اثرت فيني وحسستني انكم اخوات صدق
انا والله على نفس وضعي وتعبي الله يلطف فيني ويرحم حالي طول هاليومين على مسكنات رايحه جايه ومغطيه نفسي بالبطانيه ومغمضه عيوني ماابغى افكر بشيء وكأني اهرب من شيء ومن ضيقة الصدر رجع لي الوحام استفراغ وغثياااان فضيع والنفسيه صفر
اليوم طلعت نتيجة المزرعه حقت البول اللي سويتها هذاك اليوم بالطوراىء ورحت اشوفها تقول الدكتوره طلع معك بكتيريا بالبول غريبه مع ان تحليل البول العادي سليم بس المزرعه طلع فيها بكتيريا
قلتلها وشلون وانا مااحس باعراض مشكله بالبول واشرب مويه كثير ورايحه جايه على الحمام وانا حريصه اسوي تحاليل بول ومسحه كل فتره واخذ اشياء وقائية تجنباً للالتهابات
سوت لي سونار تقول شوفي الجنين مره ضاغط على المثانه ومسبب ثقل عليها اذا جيت اتبول الله يكرمكم ماافرغه كامل ومع الثقل مااحس وهنا تتكون البكتيريا والمشاكل وصرفت لي مضاد الله ينفع فيه ويشفيني وارتاح من الالام
الدكتوره اللي بالطوراىء هالمره احسن من هاذيك الدكتوره النفسيه متجاوبه ومتفهمه ومريحه سألتها عن الاعراض اللي معي المغص والم الظهر والتحجر المؤلم والالام زي الدوره تقول عادي اذا كانت مو بشكل منتظم وانا مدري والله احس وقت ماتجيني اقول خلاص ولاده او بينزل شيء تجيكم هالاعراض ؟طبيعي ؟
وشيء ثاني خايفه منه البكتيريا ابحث بقوقل الكلام مرعب ويخوف يقولون تسبب ولادة مبكره الله يكفيني شرها

_﴿ وَاذْكُر ربّكَ إِذَا نَسِيتَ ﴾🎈؛
- سُبحان الله💬.
- الحمد لله💓.
- الله أكبّر☁.
- أستغفر الله🌷.
- لا اله الا الله✨.
- لاحول ولا قوة الا بالله💎.
- سُبحان الله وبحمده💕.
- سُبحان الله العظيم💗.
- لا اله الا انت سُبحانك ربي
أني گنت من الظالمين🍁.
- حسبي الله لا اله الا هو عليه توگلت
وهو رب العرش العظيمّ🌸.
- اللهّم نسالگ حسن الخاتمة🍃.
ْ ْ يا مقلب القلوب ثبت قلبي على دينك 💓