أنا محتاجة أحد يدلني على اسواق في جدة أو مراكز متكاملة وتكون أسعارها مناسبة يعني أبغى محلات زي الهرم شاملة لكل الأسرة وطلباتها وفي نفس الوقت أسعارها مناسبة لحجم الجودة وخصوصا ملابس الأطفال لأنكم تعرفوا الأطفال يبغالهم ملابس كثير فلازم تكون أسعارها بسيطة وخصوصا إنها تبلى بسرعة من كثرة اللبس والغسيل ..
أنا لما أبغى أشتري لأولادي من جدة أحتار من فين أشتري؟ لأن جدة كبيرة وأسواقها ومراكزها مشعترة فصعب إنك تمشي فيها بدون هدف خصوصا إذا كان وقتك محدود وطلباتك كثيرة ..
فياليت تساعدوني بس لا وحدة تقول لي شوفي ملف بنات جدة لأنه والله يضيع ويحير وهرجه كثير وفايدته معدومه إلا للي وقتها يسمح بتصفحه صفحة صفحة ورد رد ويمكن كمان مانطلع بنتيجة.....
وشكرا مقدما على تحملكم وسعة صدوركم,,,,,,,,,,,
شاركي في النقاش
سجلي الدخول لإضافة تعليق.
التعليقات
4- هلا وغلا ام ابرار الحلووووة
بالنسبة لإستفسارك
شفت من كم يوم اعلان عن محلات exina
ينطبق كلامك عليها
يعني شاملة للاسرة واسعارها حسب الاعلان رخيصة جدا
عموما هالمركز في شارع الستين مقابل سوق البوادي
والفرع الثاني مركز عبداللطيف بلازا جنوب مستشفى عرفان
حسب كروكي الموقع
وفيه كمان مركز سماء
ومركز اخر فرصة بس مدري وين العنوان :(
اتمنى اكون افدتك
والعفووو ياستي :26:
دمتي في رعاية الله - يا الغاليه عندك شارع الستين فيه كل اللي تبين
اول مركز هو مركز العايله حلو وجديد وشامل لكل شي
واسعارهم جدا حلوه
وفيه نايس برايس او السعر المناسب
وفيه اخر فرصه او لاست تشينز
هذي المحلات جدا رائعه ومميزه باسعارها
بالاضافه لشبرا وتلقينه قريب دوار الدراجه
والهرم وتلقين له فرعين واحد اول شارع التحليه
والثاني شارع الامير سلطان - نسيت اقولك بعد فيه محلات ابو عشره
تلقين والله عندهم اشياء حلوه وهذي
المحلات تلقينها عند دوار الهندسه بشارع صاري - شكرا لكم جميعا والله أسعدتني ردودكم السريعة
وفعلا إنتم ذكرتم كم واحد مريت عليهم وفعلا أسعارهم حلوة بس للأسف كان مروري عليهم سريع فما كنت مركزة في اللف عليهم بس إن شاء الله لهم نزلات جاية كثير
مواضيع مشابهة
تابعي تجارب أخرى من هذا القسم.