⚘💖التباشير العاشر لمواليد مارس🤱 ابريل 2019💙⚘

الله ييسر امرك ويحفظ لك جنينك من كل شر .. ايتودعيه الله

انا لي التجربتين بنتي الكبيره طبيعي والثانيه قبل سنتين و٩ شهور قيصري عشانها مقعده..

ايوه بس ماقالت متى ولدت بالضبط مو مشكله 😁😁😁😁

نجي للأكشن 🤣
طبعاً بقولكم تجربتي الأولى للولاده سبحان الله ع التيسير والتسهيل أيقنت ان الولاده من جد لها يوم مكتوب لا تقولون لي محفزات ومسهلات اذا جات بتجي فجأه سبحان الله متى متى ما ربي كتب وشاء ، والدعاء واللجوء لله بالتيسير والتسهيل هو أكبر مُسبب ألف الحمدلله ♥️



انا تتذكرون قبل كم يوم جيت سألتكم هنا ان نزل علي افراز ثقيييل كأنه جلي ورحت للطوارئ وقالت لي الدكتوره عادي شي طبيعي وهلكتني بالكشف 😢


المهم يوم السبت كان وضعي طبيعي ومستقر وعلى هالأساس اتفقوا صديقاتي نتجمع وكنت مجهزه كل شي ع اساس مافي ولاده ولا شي وموعدي المحدد يوم الأثنين ٢٥ مارس يعني حاطه ف بالي انه يمديني ومأجله التقرفص والمشي والأكل اللي يلين عنق الرحم اذا عديت ٢٥ مارس ع اساس انه بكيفي 😂💔 ،


يوم الأحد الساعه ٢ الظهر صحيت ع ألم كأنه الم دوره وماكنت حاطه ف بالي انه ولاده ابد ابد وارجع انام والألم يصحييني لما جا العصر قمت ودخلت دورة المياه وانتوا بكرامه حسيت ب شي سال ودم ع الارض هِنا قلبي وقف 🤦🏻‍♀️ خفت ماكنت حاسبه حساب اني بولد مع العلم ان بقى لي يوم واقفل ع التاسع بس مدري لاني بكريه قلت بطول !



صبرت نفسي وشيكت ان مافيه دم غير اللي نزل قلت يمكن افراز ! وتوضيت وصليت ودعيت ربي من كل قلبي انه ييسرها علي وتروشت ب مويه دافيه وأذن المغرب وصليت والألم يروح ويرجع وكل هذا وانا مادخل فمي غير التمر 😣 وقمت على طول للمستشفى
اول ماوصلت استقبلتني بالطوارئ الدكتوره نفسها اللي كشفت علي قبل يومين اخ ي بنات من شفتها جاتني أم الركب كرهتني بالفحص والله ، وقلت لها بشويش علي الله وكيلكم صوتي اتوقع وصل كل المستشفى 😂💔💔 المهم قالت مفتوح ٤ سم ولاده ، انا على طول قلت لها ابغى ابرة ظهر



وجلسوني ب غرفة الولاده انتظر على ماجا دكتور التخدير بس انا من الخوف قلت له يادكتور اخاف اتخدر وماحس بالدفع وانا اول مره اولد ، هو شكله من كلامي الجرعه اللي اعطاني اياها مو مره لان رجولي ماتخدرت والطلقه أحس فيها ما اختفت بس قلت خيره من الله مادري وش المكتوب




المهم طول فترة الطلق بين كل ساعه يجون يكشفون علي وربي ي بنات الدكتورات اللي كشفوا علي سبحان الله ربي خلق وفرق عن الدكتوره اللي عقدتني ماشاءالله تبارك الله اياديهم خفيييفه وبلسم ماحسيت ب ألم كشف ابد ، وسبحان الله بفضل رب العالمين وتيسيره وصل ٦ وبعدها ٨ وبعدها ١٠ ولاده كل هذا حصل خلال كم ساعه متقاربه
والطاقم الطبي كان عسل ياحلوهم يشجعوني ويعلموني كيف اتنفس الساعه ١ تقريباً بنوتتي نورت الدنيا وكأنه شيءٌ لم يكن 😭😍♥️♥️♥️♥️



اللي تعبني النزيف و الرحم ارتفع لبطني والدكتوره جلست ساعه كامله يدها داخل تحاول ترجعه مكانه وتسيطر ع النزيف والبنوته ياعمري ماشفتها زين شالوها على طول قالو لي تنفسها سريع وبتبقى عندهم بالعنايه
صدق اني تمنيت اولد بدون شق بس ماكان فيه مجال الدكتوره تقول اضطرينا للشق لأن نبض البيبي ضعف وتخوفنا 😢 وانا بعد لاني رحت مو ماكله غير التمر ماكان فيني طاقه للدفع



بس الحمدلله رب العالمين على كل شي الدعاء ثم الدعاء لرب العالمين هو الشي الوحيد اللي راح يسهل عليكم ♥️♥️♥️♥️


والله يسخر لكم طاقم طبي حنون و يساعد من بعد ربي
طولت عليكم بس لازم اعيشكم الجو 🤪😂

يعين الله ياقلبي خليه تعطي المنظفات فلوس عشره خمسه ويركضون لها ركض الله يسخر لها صلاح الارض وملائكه السماء