⚘💖التباشير العاشر لمواليد مارس🤱 ابريل 2019💙⚘

ياااااعمري يارب يعظم اجرك ويجعل كل ما اصابك تكفيرا لذنوبكً ورفعة لمنزلتك عند رب العباد، من جد بكيت لما قريت كلامك ، ربي يحفظ لك طفلك ويطمن قلبك عليه ويشفيه ويعافيه .

ياعمري يانونه، والله ان الاتكال ع رب العباد والدعاء والذكر والرقية تعطيك قوة ، تخيلي لما حسيت بالطلق ولا مخلوق قلت له غير زوجي لا امي ولا اخواتي ولا شي، ماعرفوا الا بعد ماولدت وطلعوني لغرفة التنويم دقيت عليهم ابشرهم انفجعوا 😂😂😂 لان الخميس بالليل عندهم مافيه اي بوادر ولادة والجمعة الصباح بدت الطلوق ، لكن فيه اشياء بعد الله ساعدتني اني ثقفت نفسي بنفسي عن الامور المهمة وقت الطلق ايش اسوي استفدت من التجمع وشي من كلام رولا وشي من كلام الدكاترة اللي اجيهم وكاتبة بورقة ايش اسوي لو حسيت بالطلق ، وصرت اطبق اللي قريته وقت الطلق

انا اول الايام استخدمت حفايض كبار السن مررره ارتحت لهم مافيه تسريب وخصوصا اني صايرة ما اتحكم بالبول وبعد مامر يومين مدري ثلاثة رجعت لفوط اولويز تبع الدورة لان ماينزل معاي دم كثير اقل من دم الدورة اللي ينزل

سوي غسول اللي هو : ارطا وخوذي مقدار اربع ملاعق وقشر رمان وملح فارسي وكسرة مرة وكسرة مباركة اللي هي الصبرة وصبي عليهن لتر ماء واغليهم وبعد مايبرد حطيه بعلبة صحة وحطيه بالثلاجة ، وقبل لاتنامين بالليل خوذي من هذا الغسول مقدار ربع كوب او اكثر شوي وبما انه بارد صبي عليه مويه حااارة عشان يصير الماء دافي وروحي توضي فيه وانتظري دقيقة بعدها جففي المنطقة وحطي عليها زيت الشمم :( كوب زيت زيتون ثلاث ملاعق كبيرة خواجوا كسرة مرة ، كسرة حلتيتة ) تسخنينهم ع النار وتحركين لين يتغير لون الزيت ويصير احمر وبس يبرد اشخليه وحطيه بعلبه واستخدميه ثلاث مرات باليوم جيبي قطن وغمسيه بالزيت وطبطبي ع المنطقة بشكل كامل وبعدها البسي فوطتك وخلاص ، وسوي تمارين كيجل

صباحكم ورد
بنات بسألكم عن العمليه اليوم طالعت بالمرايه على عمليتي لأنها فيها حرقه بسيطه من الأطراف لقيت في طرف حبه كذا فيها راس ابيض والطرف الثاني حبه حمرا مورمه شوي هل هذا التهاب ولا انه خيط العمليه مدري ي بنات بصراحه خفت قلت بسألكم مع ان الحبوب مرا صغيره وانا يوميا امسحها بمسحه طبيه عادي كذا ولا أروح الطؤاري زوجي قلت له وشافها قال عادي بس انا خايفه شوي