داخلة زواج ولاحرب !!

يااخواتي انا مو ضد التعدد ولا ضد الزوجة الثانية !!
انا ضد التهكم والتهجم والتعييب بالناس
والزوج مادام عنده فلوس وراح يتزوج الله لايهينه
لاينسى زوجته وعياله من سفره يمتعهم فيها وبيت
جديد يسعدهم فيه


هو دخل مرحلة التعدد الله لايهينه يتحمل


والزوجة الجديدة قبلت بالمعدد الله لايهينها تتحمل


تجيك الواحدة تقول هذا شرع الله وهذا نصيبي
مااختلفنا
وهي تضرس الضروس وتزعل اذا راح زوجها لزوجته
او لأطفاله
مالها حق ابدا

لاتفكر بيوم انها الافضل او المميزة او المحبوبة او او


.. حرمة مثل حرمة وش الفرق يعني ؟
وهو من حقه يعاشر هذي ويعاشر هذي ولا يحق له
يضر واحدة منهم على حساب الثانية اذا عايف
زوجتك وتبي تحرمها طلقها افضل ! تروح تعز نفسها
وتشوف نصيبها اما تمسكها عندك عدوان وظلم
وتحرمها حقوقها ومعاشرتها فأسأل الله ان لايوفق هذا
النوع من الازواج
انا ابي اثبت للزوجة الثانية مادام هي اقتنعت كزوجة
ثانية الله يعينها على غياب زوجها المتكرر
وانشغالاته الكثيرة


هي الله يسلمها دخلت على عايلة مو على زوج بس !


وعليها تتقبل هذا الوضع عالحلو وعلى المر
وتتعايش مع الوضع
وتتحمل الى الابد !
وكل زوجين يتكلمون بالضره من وراها الله لايوفقهم
اكره الزوج اللي اذا قرر يتزوج ياخذ رأي زوجته

الجديدة بمصير زوجته الاولى وكيف يراضيها ! لا
ويقنع زوجته الجديدة انه بيمسك القديمة عشان اولاده
بس !
وهذي مبسوطة مستانسة و راضية على هالوضع
وفرحانة !

ايش ذنبها الاولى يمسكها عشان اولادها ويمتع الثانية


بمعروف او تسريح باحسان
هذا الظلم بعينه هذا هذه النوعية من الازواج اسأل
الله ان لايوفقهم ومن كاد على غيره جعل مكيدته تدمره


اكره كلمة زوجة قديمة وزوجة قديمة ! الزوجة بيدها
تكون جديدة وعروووووس كل يوم واذا كان على
جسمها وتغيراته فهذا بسبب متعته واولاده يعني
احترموا انفسكم يالجدد بكرة تجيبين اطفال ويخرب
جسمك مثلها ياكاملة !

اختي روحي ملف الزوجات الثانيات واقري كلامهم ونصائحهم لبعض ماتقولين زوجات الا داخلات حرب طاحنة نسأل الله السلامة منهم وان يرد كيد من أراد شر بنحره طبعا البعض منهم اللي ماتتحمل عائلة زوجها لا توافق عليه من الاساس

احنا مو ضد التعدد لانه اولاً واخيراً شرع الله سمعنا واطعنا


احنا ضد الظلم وضد الحرب اللي انت قلت عليها
ضد الزواج بدون سبب لمجرد اثبات رجوله واثبات انه الزوج هارون الرشيد يجمع زوجات بدون اعطائهم الحقوق او مراعاة واهتمام


احنا ضد عدم العدل والتضحيه بالزوجه سواء اولى او ثانيه


كثير ازواج حولي حبو يعددو وبدون سبب مجرد جرت الفلوس في يده دور زواجه ثانيه والصدمه ان الجديده قبل الملكه اشترطت طلاق الاولى وتم لها اللي طلبته طلق الاولى ورماها هي وعيالها وسكن الجديده بدالها هذا موظلم؟؟ وهذا مو سبب يخلينا مانقبل التعدد؟؟


التعدد اساسه الرجل ومو اي رجل لازم يكون حازم وحكيم ويفهم في كيد الحريم وحركاتهم ويحاول يعدل ويمشي حياته باللي يرضي الله مايظلم زوجه على حساب الثانيه ولايفرق بين عيال اولى وثانيه


التعدد ابيح لاسباب واسباب قويه ومقنعه لكن اغلب الرجال اخذو التعدد كمتعه او عقاب للزوجه الاولى او يقهرها او مجرد متعه اول ماتنتهي ينتهي التعدد


لو كان فيه رجال يتزوج لسبب مقنع ويحاول يمشي مركب حريمه بحكمه وعدل ومايرضى بالظلم ولو شاف وحده من زوجاته بدت تقلل من قدر الثانيه او تحاول تدور مشاكل وقفها عند حدها وماسمح لها تتجاوز حدودها ماكان احد كره التعدد ولاعارضه


لكن هالايام غالب المعددين لاعندهم صبر ولاحكمه ولاعدل مجرد كلمه يرددها على لسانه الشرع حلل لي لكن تطبيق حدود الشرع في هالحلال اللي ابيح له مايعرفه ولايطبقه

وأقول للأولى مثل ماهو اعرس انتي بعد اعرسي!!
مو هو عريس !! انتي كمان صيري احلى عروسة
وعلميها ان هي مجرد شريكة لااكثر!
ولاتعطينها المجال ابدا انها تاخذ الجو منك
وتحزنك
هي مو افضل منك بشي ولا راح تكون
ارجعي له عروس سفرة حلوة وبيت جديد و و و
واقعدي تشرطي لما يشبع خليها تعرف وتتيقن ان
بحياته عروس مو بس زوجة
طال عمرها واذا لبى
طلباتك دلليه احضتنيه واحتويه وحطيه في عيونك وقلبك
وعيشيه في جنة الدنيا
ولا ترضين ابدا ابدا ان احد يشوش بينكم
وينكد حياتكم..
ساعتها تعرف وش لها ووش عليها

وصدقتي والله وجيتي عالجرح
هالأمثال من الزوجات ماراح الله يوفقهم خليها تتهنى فترة وهو مثل ماباع زوجته بيجي يوم ويبيعها مانقول الاحسبي الله على هذا النوع من الازواج والله لايوفقهم يارب وينصر المظلوم على الظالم يارب العالمين ..

واضح من السالفه .. ومن الردود انك زوجه أولى ..
فلا تجي تحطي بذمتك ان كل الزوجات الثانيات مثل زوجة زوجك ..
وعادي طبقي الكلام الي كاتبته ع حياتك وعيشي مثل ماهو عايش واعرس عليك ..