وآخرتها وياكم يا حرييييييييييم..........

احنا مساكين الوحده تدور بالنت وفي كل مكان عن شي جديد لزوجها وتلبس وتتدلع وتتعطر ثم يجي حضرته ويجدع كلمه كلها تحطيم وتتحول من ليله رومانسيه الى ليالي الصالحيه( معليش تحملوا وحده مسنتره قدام التلفزيون)
لاوبعد هونفسه شينه وريحته خايسه ولا يرضى
يمكن ردي مله سنع بس فاضيه وش اسوي قلت ابرد حرتي شوي من الحريم عسى ماينزل موضوع الا انهبلوا يبونه
اركدوا ياناس الحياه الزوجيه عشرة وموده ورحمه

هههههههههههههههههههههههههههههههههههههه>>ميته من الضحك ههههههه


سبحان الله نفس ريلي هههههههه ..

مره شريت كري فراوله حق الجسم
اول ما اشمه يقول والله شبعت عن العشا ههههههههههه

كل الكريمات اللي ريحتها نكهات يكرهها وتترس بطنه ههههههههههههههههه


والله الطبيعه حلوه :22:

فهمنا اختي كلامك بس بسألك سؤال طيب واذا صلحنا عيوبنا عشان نفسنا اول شي وثاني شي عشان أزواجنا فيها شي ؟؟؟ يعني عيب بحقنا ؟؟ والا الواحد يتمسك بعيوبه وشخصيته زينه شينه والمفروض انه الثاني يتقبلها مثل ماهي ؟؟:confused:

طيب انتي لو عندك زوجك من النوع مثلا العصبي وعصبيته هاي منغصه عليك حياتك يعني ماتقدرين تناقشينه باي شي ماراح تسعين او على الاقل تحاولين تخلينه يترك هالعصبيه شوي عشانك وعشانه وعشان تمشي المركب على قولتهم ؟؟ والا انتي مستعده تتعايشين مع شخصيته العصبيه وتتحملين كل نرفزته عليك وعلى عيالك ؟؟؟ هذ بالنسبه له هو طيب لو كان العكس انتي اللي عصبيه هل تطلبين منه يستحملك لللاخر ويصبر عليك ولا يطالبك بشويت هدوء او مجرد محاوله انك تعدلين من طبعك ؟؟؟؟


اختي نحن هنا مب ضدكم نحن معاج في بنات يبالغون في الليالي الرومنسيه قص ولصق بس هالشي عاجبها هي اولا وعاجب زوجها خليها تستانس:biggrin2:

وفي حريم تلغي شخصيتها وتندمج بشخصية زوجها بشكل يلغيها تماما امامه وسبحان الله هي عاجبها هالشي بالرغم من كل الكلام ولها الاجر من الله سبحانه يعني طبعها تربيتها شخصيتها تتقبل مثل هالشي وتشوفه قمة العطاء الزوجي وواجب من واجباتها تجاه زوجها هي مرتاحه وزوجها مرتاح

بعكس وحده ثانيه مثلا تعرضت لضغوط ومشاكل وخيانه او زواج ثاني وغيرت فكرتها بالمره تشوف ان الحياة الزوجيه تبادل وعطاء بين الطرفين يعني مثل مااسوي لك تسوي لي واذا ماسويت لا تطالبني باي شي وهذي انا عاجبك عاجبك مب عاجبك كيفك !!! تعتقدين ليش سوت هالشي ؟؟؟ وتعتقد انه مايستاهل اي ليالي او اي تغيير؟؟؟ لانه جرحها خانها !! :eek:

بسألك سؤال اللحين مثلا خل نقول المدرسات تعرفين التدريس كيف شد اعصاب وصريخ وبذل مجهود جبار الله يعين المدرسات غير مشاكل وتتنيح الطالبات والموجهه والمديره والمشاكل اللي ماتخلص طيب وحده مثل هالمدرسه تعاني كل هالضغوط ترجع للبيت طبخ ونفخ وعيال وزوج تقدر تستمر وتقاوم للنهايه ؟؟ يعني فيها حيل تسوي ليالي وتقص وتلصق ووو اكيد ماراح تكون مثل اللي قاعده في البيت لا شغله ولا مشغله وفاضيه وعندها خدامه بس بنفس الوقت نقدر نقولها رجعي بيتك بكل قرفك من التدريس ومشاكله وعصبيتك وصراخك بنفس هالوجه والطبع مع انها شخصيتها الحقيقيه بدون اي رتوش رجعي بنفس هالشخصيه وقابلي زوجك وعيالك ؟؟؟ :3_3_103: طبعا لا !!! صح هي عليها حمل مضاعف بس يا اختي ترا حتى الزوج يرجع مهدود وتعبان وساعات اغلب الدوامات اللحين شفتات لا نوم لا راحه واول مايوصل البيت ماتبغين تستقبلينه بوجهه العابس والتعبان والنعسان تبغينه يبتسم في وجهك ويقولك كلام حلو ويبين اشتياقه لك خصوصا لما يكون غايب فترة صح والا لا ؟؟؟ يعني اللي ابغي اوصله لك ادري اني خربطت وايد بس اللي بقوله نحن نعطي وناخذ نعطي حب وكلام ومعامله حلوه وناخذ اهتمام وحب وتفاعل من الزوج يختلف في ردت فعله واسلوبه في التعبير عن حبه وامتنانه بس لا تصدقين ان في رجال مايحس لوح جامد واذا كان في رجال من هالنوع خلاص اعتبري اللي تسوينه لوجه الله سبحانه وعشانك او على الاقل عشان عيالك وعشان بيت خالي من التوتر والمشاكل عشان تربين فيهم نفسيه مستقره ويمكن في يوم يحس ويتفاعل مب يقول المثل زوجك على ماتعوديه وابنك على ماتربيه !!! واذا مانفع مع الزوج ينفع مع الابن وتكسبين اجر زوجته في المستقبل تربين لها ابن بكره يصير زوج رومنسي حساس ويعيشها باحترام وحب وموده :)

انا مع الليالي الرومنسيه وطااااااااااعة الزوج بالمعروف وتقديره واحترامه ورفع مكانته قدامي وقدام عياله واهله واهلي وهالشي ابدا ما يحط من قيمتي بالعكس أكبر عند ربي وأكبر أمام نفسي والناس لانه طبيعتك الذكوريه تعطيني معامله كريمه واحترام وطبيعتي الانثويه تعطيك وواجبها انها تعطيك حنان حب ورومنسيه

وكل شي بحدود وكل شي حسب طبيعة الزوج والزوجه والزواج تبادل ورحمه وموده وفاقد الشي لا يعطيه يعني عطني موده ورحمه وكرامه وبعطيك حنان واحترام ورومنسيه وانت تستاهل هالشي واذا تطلب الامر اني اغير شي بشخصيتي بحاول اغيره عشان ربي وعشان زوجي شو خسرانه مثلا يطالبني بتغيير في شكلي بحدود الحلال او بتصرفاتي او بلبسي مدام انه حلال ومدام انه شي مب سلبي بالعكس ايجابي بسويه ليش لا
وحتى لو كان زوجي من النوع اللي مايعبر ولا يتفاعل بسوي هالشي وبغير وبسوي له ليالي حمرا وخضرا ووورديه اول شي عشاني وبعدين عشانه انا عندي وجهة نظر مادري انتو مثلي والا لا ليش التمتع للزوج بس يعني نسوي الليالي الرومنسيه عشان نشبع حاجته وتعطشه ونمتعه لاخر درجه طيب مافكرتي بنفسك سوي هالشي عشان تمتعين نفسك بالحلال تمتعي فيه مثل مايتمتع فيك مب هو زوجك مب هو حلالك ؟؟؟ :S_45: فكري فيها بهالشكل وراح تتغير نظرتك لها وكل يوم بتسوين ليله حلوه مب عشانه بس عشانك انتي اول شي عشان تسمعين لك كم كلمه حلوه تروي عطشك لانه اكثر شي الرجال يتكلم في هاللحظات
سبحان الله لسانه ينطلق طيب خليه يسمعك احلى كلام وشبعي نفسك من هالناحيه ليش تاخذينها على انها انانيه من جانبه يعني بس يقول لك كلام حلو بهاللحظه ؟؟؟ طبع الرجال انه عملي لما يشتغل يتكلم ولما في مناسبه بسسسسسسسس يعني مايحب يتكلم بكل وقت الا ساعة الجد :wink2:

كلمه اخيره ادري هذربت وايد بس سواء كنتو معي او ضدي ارجو ان كلامي ماينرفز حد او مايزعل ويثير حد ترا كلها الا وجهات نظر وشخصيات مختلفه وبالاخير كلنا خوات نتفق ان هدفنا النقاش وتبادل الخبرات والاراء لا غير :26:

السلام عليكن

أنا آنسة... لكن حبيت أضيف شي فقط:

من أخلصت عملها لله،، فإن الله كرييييييم يعطي أكثر مما تتصورن

فاجعلي عملك خالصا لله في كل همسة في كل حركة... ترين العجب

فما أريد قوله.... أخلصي النية لله.... يكن زوجك لك وبيدك..

أقول هذا ليس عن تجربتي لكن عن تجربة أخواتي في الله..بارك الله لهن ولكنّ

ورزقني الزوج الصالح