داخلة زواج ولاحرب !!

وليش مو من اول حاطته في حضنها ودلعته وانبسطت فيه وطلبت منه اللي تبي يعني ماتسوي هذه الاشياء الا اذا تزوج عليها الثانيه ؟!😂

والله ي عيني الزوجة الاولى مغلوب ع امرها هو قرر والله كتب ؟ لكن تجيك الثانيه تمد لسانها يلوط اذانها لو بك خير ماعرس عليك ؟ او تقول فيك ومافيك تحسسها بالقنص ويقالها هي اللحين حورية الجنه تككمل نقص؟

الله يعينكم على انفسكم اذا غيرتكم لهذي الدرجة ذابحتكم فليش رضيتو بالمعدد والله مادام عنده اكثر من زوجة فالعدل واجب شرع من عند الله وتبقى زوجته
وحلاله ومن حقها تدلعه ويدلعها
تعترضون ؟!
روحو حاسبو ربكم ليش عطيتنا معددين وليش فيه واحدة غيرنا بحياة ازواجنا ؟
الله سبحانه شرع التعدد لمصالح المسلمين
ليش تقلبونه ضرر وظلم ومفاسد
ايوا اقول لكل رجل معدد إتق الله واعدل بين زوجاتك ولا
تميل لاحداهن على حساب اختها
والرجل اللي مايعرف يعدل ويخاف من حدى زوجاته سواء الاولى او الثانية فمن الاساس كان ماعدد
تقولون منتهي من زوجته سواء اولى او ثانية وماعاد يبيها يطلقها افضل !
حرام يمسك بنت الناس عنده ظلم وعدوان
"وان خفتم الا تعدلو فواحدة او ماملكت ايمانكم"
نعترض على شرع الله ؟
ايش تنظلم حرمة علشان حرمة او تسعد حرمة على حساب حرمة
الى متى هذا الحال وهذه الحرب اللي يندى لها الجبين
وانتم يابنات الناس الله خلقكن احرار وكرمكن بالاسلام فليش ترضي على نفسك ياامة الله بان تظلمي نفسك او غيرك او تسمحي لمخلوق يظلمك !
يااخوات انا اناقش العقل فيكن لا العاطفة وابيكن تعيشن براحة بال لا ظالمة ولا مظلومة اتقو الله بانفسكن وكلنا بالنهاية مصيرنا للموت ثم الى جنة اونار
واتقو الله برجالكن ولا تكونو سببا في غضب الله عليهم
وكل واحدة عندها جارة تقعد مع نفسها تحاسب نفسها قبل مايحاسبها ربها وتشوف وش لها ووش عليها
وبيدها تسعد نفسها او تشقيها
لايكون الزوج اكبر همومك ولايكون زواجك سبب لشقائك لادنيا ولا اخره
استمتعي بما احل الله لك ولاتطغين على رزق غيرك
فكري بعقلانية لا بعاطفة ! وبالنهاية كل واحدة لها عقليتها
وكل واحدة لها ضميرها
وانتم بيدكم تختاروا طريقكم اما الى جنة او الى نار
بيجيني ناس يهاجموني ويتهموني اني اولى وإني
مظلومة ومحروقة وتعبانة نفسيا
مايخصهم
هذي مشكلتهم يحلونها هم




كل واحد يتكلم على اساس نفسيته هو وشعوره هو وعقليته هو
ويازوجة اولى لاتنازلين عن حقوقك ويازوجة ثانية لاتنازلين عن حقوقك ووو حتى العاشرة
انا ماعندي ضره الحمدلله ولو الله كتبها علي راح اكون
واقعية مع نفسي واطالب بحقوقي وبخصوصياتي وبس
ولااهاجم غيري ولا احاشر غيري ولا اناقش الا برزقي
وافكر بسعادتي اولا واخيرا
مااهدر عمري وصحتي احارب امرأة مثلي !!
تبون تعرفون كيف كل زوجة تعيش مع معدد براحة بال
انتظروا موضوع جديد بنزله قريب ان شاءالله وتحية لكل قارئة

ماله علاقه ممكن حاطته بقلبها وجميله ويموت فيها ويتزوج

عادي تطلب قبل مايتزوج وبعد ماتزوج هي مازالت زوجته
و تطلب لان عندها شريكة يعني النص بالنص في كل شي الله حلل لها