حتى اخوي تخلى

كلام مافيه بعده ممتاز جدا جدا كفيتي ووفيتي اختي

مافهمنا اي شي من كلامك بس لي فهمته انا تعيدي المشكله اكثثر من مره عشان كذا اكيد راح يتضايقوا منك
مثل انا من النوع لي مااحب لي يعيدد في نفس الموضوع وفوق كذا مايقتنع ومايسمع الا لنفسه ويجلس يقول ليتني اسوي كذا او كذا الموضوع انتهى وما راح يرجع فالنقاش ف يصير مالو داعي ونقاش عقيم ماله حل


الله يفرج همتس وكلي امرك الله

لو كنتي تبحثين عن الدين عندك القران الكريم وتفسيره روحي امسكيه وتدبريه وتأملي آياته بقلبك وعقلك
ومشكلتك تتلخص في انك انسانه ساخطه معترضه لان اللي تتمنينه ماصار لك
وهنا ندخل في نقطة ( الايمان ) اللي من اركانه الايمان بالقضاء والقدر خيره وشره وانتي غير راضيه !
ويكفيك تتأمين وتتدبرين هذي الايه :
( أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ) .

وبس بقول لك حاجه انا من كم شهر كنت اعيش انتكاسه نفسيه شديده وامر بأشد مراحل الاكتئاب وافكاري مشوشه جداً ووصلت للمرحله اللي انتي فيها حالياً كنت اتخبط وامتنعت عن الدعاء بقرار واصرار لاني ايقنت ان هذا المقدر والمكتوب لي وان هذا رزقي ونصيبي في الحياه
وبعد اسابيع مرضت وتألمت ألم شديد لدرجة ان نفسي اجيب سكين وافتح جسمي واشيل الشي اللي يوجعني وارميه برا المهم بدون ذكر تفاصيل المرض في عز الألم كنت اخاطب الله سبحانه وتعالى واتذكر اني اخذت قرار ما اطلبه ولا ادعيه وكنت لحظتها اتلفظ بكلمات عتاب قويه استغفر الله اقول يا الله انت تشوفني اتعذب وانا تركت كل شي بالدنيا ويأست وش بقى اكثر اسويه عشان ارتاح ومن شدة الألم كنت اضرب مكان الألم بيديني كنت منهاره مرات ادعي الله ومرات اعاتب وبعدين سبحان الله ربي يسر لي العلاج وخف الوجع وجلست افكر واراجع نفسي وجاني شعور ان اللي صار معي فيه رساله من الله سبحانه وتعالى انه موجود يسمع ويعلم
ولو ماخرجت من هذا المرض الا بكفارة للذنوب وتطهير لي بكون كسبانه
فما بالك بإن بعد اللي صار تغير شي بقلبي وانكسر هذا التكبر الممزوج باليأس والخذلان والتخبط

انصحك من كل قلبي اكسري هذا التكبر والتعالي اللي بداخلك قبل لا يجيك حدث يطهرك ويصحيك من غفلتك

الحياه ما تمشي مثل ما انتي تظنين وتفكرين انه كل شي تتمنينه يجيك
تعلمي الرضى والقبول
ومتأكده بعد الرضى والقبول بيجيك الوعي وبتقدرين تفهمين اشياء كثير

************ اتمنى من الاداره مايحذفو الموضوع
لاني ابغاه اليوم وبكرا بتمعن يكلامكم ويكتبه كله وبطبقه


واعذروني فعلا تعبانه ماقدر ارد عليكم كلكم بس بقرا كل شي ع مهل وبرجع اعدل في تفكيري

طب وش تبغينا نقول لك وانتي بهالافكار ؟؟
قال تعالى : {إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }[الرعد:11].
الله يثبتك على دينه ويهديك ويصلحك ويفرج همك