التجمع 123 للمقبلات على الحقن المجهري وأطفال الأنابيب

انا بالسحب طلبت مني المثانة فاضيه واكون صايمه

أنا وقت الترجيع بالمجمد. .....دخلت الدكتوره انبوبة الترجيع واسمع اللي على السونار تقولها الجهه اليمين. لان رحمي ( جهتين ) قمت تكلمت قلت. دكتوره بالفرش رجعتي لي باليمين
وقالت وحملتي ؟!؟! قلت لا طبعا 🤨نسيت اني قبل ثلاث شهور رجعت
قالت اجل نرجع باليسار وسحبت الانبوبه ودخلتها مره ثانيه وتقول لها المساعده. لسى يمين فأحسها ما قدرت تتحكم. فقالت اليمين خلاص اكبر. ورجعت. وبرضو للاسف ما صار حمل
بس اللي بقوله انه مافي الم ابدا. كل الاحساس المزعج من امتلاء المثانه والحمد لله على كل حال
تخيلوا. منتضره الدوره ليا اسبوع وهي العاده تتاخر اسبوع الى ١٠ ايام. وجات وأخذت موعد ثالث يوم الدوره. ويومها يقولي زوجي لا تروحين
مانبي حمل على رمضان.!!!!! خليها بعد رمضان
قلت له لو بيدي الان قبل بكره ابغى احمل . جلست أتناقش معاه مافي فايده
وقال مين قال انك بتسوين عمليه مره ثانيه
خلاص سوينا عمليه ورجعنا مجمد وماللله كتب خلاص .....قلت له فيه ناس كرروها مره وثنتين وعشر الين ضبطت معهم واذا على الفلوس انا بدبرها
قال لا. .....تبغين تحاولين حاولي بمنشطات وابره تفحيريه. عمليات لا
ليا يومين نفسيتي تعبانه مو حاس فيني ابدا ويدري بمعاناتي انا مو عايشه مثل الناس
وعمري الحين ما يسمح براحه شهرين وبعدين محاولات ......بس فوضت امري لله
حاسه نفسي بوضع الستوب والدنيا تدور من حولي
وبدل ما يكون زوجي معاون ومشجع لي يكون هو اول عقبه أواجهها بالعلاج
احس هذي معاناة اللي زوجها سليم وهي اللي عندها المشكله
بحاول انزل وزن بالشهرين ذي مع ان رمضان مررره صعب علي بس ربي يساعدني 💪
الممنوعات
مشروبات غازيه.
السكريات الصناعية ( الحلا. التشوكلت )
الأجبان
الشيبسات والمقالي
الوجبات السريعة
والأرز والمكرونة ( ممكن مره بالأسبوع )
دعواتكم .....

حبيبتي بالعكس ريحي نفسك هالشهرين وتبعي نظام غذائي صحي وعليكي بالدعاء ثم الدعاء ثم الدعاء صدقيني يغير من حال لحال ودعي ربي يهدي زوجك ويحنن قلبو عليكي خدي هاي الشهرين راحه وهيئي جسمك للمحاوله القادمه وبإذن الله بتحملين بااحلى توئم يعوضك تعبك وانتظارك الله مافي أكرم منو

ايووووه فعلا مع امتلاء المثانة. الله يعزك و القارئين يكون الوضع صعب 😟
بس الله يهونها علينا جميعا

ادعي و استغفري كثير ودايم اقرائي سوره الرحمان و الواقعة وباذن الله ربي يهدية و يرضئ لك بالعمليه عن قريب و يبشركم بالحمل التام
لانو الانفعال و الإصرار غير محبب في حالتنا معهم
الله يسخرهم و يحنن قلوبهم علينا

الله يعوضك ويرزقك بالذريه الصالحه
استغربت ان كثير بنات زيك يقولون الترجيع مافيه
ألم ... انا الترجيع والتحفيز عندي اصعب من السحب ...
زي ماقالت سحابه زي التشنج يصير وماياخذ
راحته الدكتور ويكون فيه ألم اتحمله شوى بس بعدين خلاص يصير لا يطاق
من كذا الدكتور قال يوم فشلت المحاوله المره
الجايه الترجيع ببنج

اذا ما عندك مانع ع سؤالي كم عمرك ؟ لان قلتى عمرى ما يسمح بالانتظار
رغم ترا شهرين او ثلاثه مو كثير واحسن شي تسوينه بهل فتره انك تريحين اعصابك
تدخلين نادي رياضي تغيرين شي بحياتك لتجديد
تدخلين محاوله قانيه بنفسيه ومعنوياته مرتفعه
ركزي ع الدعاء بهل فتره بكل وقت خصصي ساعه لها كل يوم وترا انا زوجى زي كذا اصلا كان معارض
فكره الانابيب من الاساس بس يوم مرت السنين والايام
رضخ للامر الواقع معليش سايريه يمكن مادياته
صعبه يمكن ما يحب يشوفك تعبانه من العمليات
الله يسخره لك ويرزقكم بالذريه الصالحه