كل يوم الفطور عند اهل زوجي 😰!!

السلام عليكم
انا متزوجة من كم شهر و ساكنة بمنطقة اهل زوجي و راح يكون اول شهر رمضان لي مع زوجي الله يبلغنا اياه بصحة و عافية، قبل كم يوم كنت في بيت اهله و امه قامت تلمح لنا ان شرايكم كل يوم تفطرون معنا و انا سويت نفسي مافهم ، و بالامس كنت انا و زوجي نتكلم عن رمضان و قالي شرايك كل يوم نفطر عند اهلي ؟ الفطور احلى مع الجماعة و انا اخذت الامر بمزحة و ضحكت و ما عطيته جواب ، طبعا ما ودي هالشي لاسباب كثيرة اولا ايش حدني على الكرف عمتي كبيرة و ما عندها شغالة و عندها بنت وحدة و في الايام العادية يكون كرف كثير و انا استحي اقعد و اناظرهم ، و ثانيا ما ودي يتعودون كل سنة افطر عندهم ودي استقر و افطر في بيتي 😫
المهم كيف ارفض طلب زوجي و امه بطريقة لبقة ما تزعل ايش اقولهم هم طيبين و مو مقصرين معي في شي بس مابي ارتبط بهالشي😥