لكل مطلقه قصة قريبتي

مساكم الله بالخير
سالفتي هي لكل مطلقه مازال الحزن يكسر قلبها واغلقت حياتها واوقفت كلللللل شي وقعدت تندب حظها ما انزه نفسي إني بكون الانسانه القويه اللي مايكسرني شي لا والله يمكن انا اضعف منكم لكن نستمد القوه من تجارب ناس قبلنا ونشوفهم كيف ما استسلموا وكملو حياتهم وخلو هالعثره اللي صادفتهم هي قوه لهم
مابطول عليكم
قريبتي هذي متزوجه قريب زوجي البنت لهلووووبه وتحب اللبس والرقص وتهتم في نفسها بشككككل لايوصف ماشاء الله تبارك الله وجريئه زوجها عكسسسها تماما باختصار يحب الحرمه اللي نظام حريم أول مالها في شي
طبعا لاتقولون ايش عرفك كلام امه لانها تجي عند اهل زوجي
جابت ثلاث اطفال منه زي بين اي زوجين مشاكل عاديه
في يوم حصل الطلاق انجننننننت انهبببببلت تبكي وتبكي وتبكي وحطت بنفسها شي وخذا زوجها العيال وماشافتهم يمكن ثلاث شهور
بعدها نفضضصت نفسها وقامت وكملت دراستها
سنه بالضبط وتزوجت قبل طليقها 😅
وسوت عرس ولبست فستان وطرحه وانزفت ورقصت وعااااااشت جووووها ماشاء الله تبارك وسافرت شهر عسل
وشرطت على زوجها الثاني قالت عيالك في بيت وانا في بيت مالي دخل فيهم وفعلا نفذ لها طلبها
انقلبت حياتها ٣٦٠ درجه قالت الله وين كنت وكيف صرت زوجها الثاني طيييييييب ولا يقولها لا
وجابت منه اثنين وكملت الجامعه والحين نبارك لها بالوظيفه
بصراحه كنت ادعي لها من كل قلبي لاني رحمتها لما تطللقت
واحس انجازاتها هي بجرائتها ماخلت شي يوقف بطريقها ولا استسلمت للحزن ولا حبست نفسها بالعكس تحضر الزواجات العزايم تروح لبناتها في المدرسه تسأل عنهم
مع ان ابوها واااقف بوجها هي وامها وطلق امها بعد ماتطلقت بنته بس ماشاء الله كانت انسانه قويه مع ان سنها صغير
اتمنى من كل قلبي لكل اخت مطلقه لاتقفلين على نفسك لاتندبين حظك والله اني احزن لما اشوف مطلقه كذا
زي وحده اعرفها مطلقه من سبع سنوات وعااااايشه على ذكرى طليقها راااااح عمرها وهو تزوج ولا هو داري عنها
اقولها يافلانه تزوجي العمر راااح وانشغلي في بيت وعيال وانفضي غبار الماضي وطلعي نفسك من دائرة الحزن
بس عرفت ان النفوس كللل مو زي بعض في ناس قويه وتنسى وتعيش،وفي ناس ماتقدر
أسال الله العظيم لي ولكم الحياه الهنيئه السعيده المرييحه
ورااااحة البال

29 تعليق 5,182 مشاهدة

شاركي في النقاش

سجلي الدخول لإضافة تعليق.

التعليقات

26
  1. @ahlam_mnsy_2

    محتاجين قصص ايجابيه مثل هاذي انا مطلقه ولله الحمد اتخذت القرار عن قناعه تامه وما راح اندم ابدا ودي انجز بس كسولة الله يقويني😁
  2. @dyarngd

    كنت مطلقة ولدي ابناء وعمري حدود الاربعين وانسانه عاديه
    ولكن كان عندي ثقة في ربي ان يعوضني ويرزقني ويغير حياتي وكنت ادعي واقول يارب خزائنك لا تنفذ ولا تنقص وانت الكريم يارب عوضني بكل شي


    خزائن الله فيها كل شي
    الاية وان من شي الا عندنا خزائنه
    كانوا اهلى اذا سمعو الموصفات الي ابغاها في الزوج المستقبل يضحكون يقولون ومن وين يجي هذا كله
    كنت ادعي يارب ارسل لي أحب عبادك واصلحهم وانقاهم قلبا واطهرهم نفسا


    فقد استجاب الكريم النداء وابلغ في العطاء وفتح ابواب الخير
    حتى اني سرت قصة للفرج بعد الشدة
    وربي انه ابدلني الله في ادق تفاصيل الحياه
    حتى انبهر كل من حول بالكرم الالهي
    يقول الله (قريب أجيب )
    (قريب أجيب )
    تأمولها وارفعوا ايديكم بالسؤال فأنه لا يخيب سايله
  3. @sesilia

    هذه القصه يحتاجها كل شخص مو بس المطلقات تاملتها كثير وحسيت اني محتاجه اتاملها زيادهمشكوررره 🌹🌹

تابعي تجارب أخرى من هذا القسم.