تباشير 🥀11🥀لمواليد مارس❤ابريل 2019

ياحلوكم نايس وتفأول ومارولين الدنيا صغيرة 😂
الله ييسر ولادتكم ويرزقكم الخلاص الحسن🌹
ننتظر تباشيركم الله يهون عليكم

خربتيها يافصة🧐
كم لك اسبوع انت

مساء الخير ..
مثل ماوعدتكم بكتب لكم اللي صار معاي ..
يوم الخميس صحيت على تعب الفلونزا ( كحه حراره زكام ) المهم ماجاء المغرب الا وأنا طايحه خلاص مافيني اتحرك ولا اسوي شيء
اخذت بندول وادول وعصير برتقال مع ليمون لين جاني اسهال الله يكرمكم .
وجرحي صار يألمني وأرسل للدكتوره وأشرح لها وضعي وتجلس تقولي ايش تحسين ومن هالحكي واقولها الحركه صارت مرره قويه لدرجة احسها بتطلع واضم رجووولي من الخوف والجرح يزيد ألمه .
استخرت ربي وطلبت منها تسوي العملية السبت بما اني مخلصه تحاليل والتخدير ووافقت .
الجمعه تخيلوا مامسكت جوالي ابد من التعب ولا فتحت النت واهلي كل شوي يدقون ياقلبي عليهم وانا مو حاسه ويكلمون زوجي قالهم فيهم فلونزا عشان كذا مادخلت واتس
يوم جت الساعه ١٢ واخذ لي مسكن واشرب عصير واخذ لي شاور خلاص ابي اصحصح عشان اصبغ شعري جذور 😨😅
الزبده مافاد وانسدح وانام وانا قلبي مع شعري اللي واضح فيه الشيب 😭
وبيجوني زوار كثير مستحيل اجلس كذا ، المهم صحيت الفجر قلت خلاص يابنت اصبغي قلت بنام شوي واحط المنبه ٨.٣٠ واحط الصبغه وارتب بيتي شوي واجهز ملابس عيالي اليوميه .
١٠ مخلصه كل شيء صحيت عيالي وزوجي يلا قوووووووموا سُمو بتطلع 🎊🎉🎈
الساعه ١١.٣٠ دخلت المستشفى وكملت اجراءات التنويم ، الساعه ١٢ اتصلت الدكتوره وانا مازلت بمكتب التنويم النظام مدري شفيه .
يلا حبيبتي ويييينك تأخير كثير عملية انتِ الساعه ١ 🎈
واحاول فيهم وخلصوني وطلعت غرفة إقامتي غيرت ملابسي وصليت الظهر ودعيت ربي .
دخلت الغرفة غيرت ملابسي وحطوا المغذي
الساعه ١ -> معليش دكتوره جتها ولاده طارئة في الطوارئ
العملية تأجلت الساعه ٢ وأنا عطططططشانه 😭😭
قلت الحمدلله خيره .


الساعه ٢ جابوا السرير ونقلوني ، ودعت زوجي و أولادي وانا اصيح ماقدرت امسك نفسي 😭😭


ويودوني ويجلس ولدي يصيييح ماما ماما تعالي ، اه ياربي والله قطّع قلبي جلست أشاهق صياح .


وانا في الطريق لغرفة العمليات جيتوا في بالي دعيت لكم جميعا وخصيت بالأسماء توتو وأم عبدالملك وجمانه 😭 الله يتقبل مادعيت


وصلت الغرفة ضمتني الدكتوره وتهدي فيني الله يسعدها تقول دايم اشوفك مبتسمه خليك زي ما أنتِ دايم
وأنا ماش عجزت اسكت 💔💔💔


الساعه ٢.٣٠ اخذت ابرة التخدير
الساعه ٢:٤٥ تم فتح البطن بسلام
الساعه ٢:٥٥ أعلنت سّمو قدومها للحياة 😭🎈♥️
الساعه ٤ طلعوني من غرفة العمليات لغرفة الإفاقة .
الساعه ٦ نقلوني لغرفتي .
بعد ٦ ساعات شربت مويه شوي
بعد ٨ ساعات جابوا لي جلي و عصير بس اكلت شوي من الجلي ما اشتهيت العصير
الساعه ٦ الصباح فكوا القسطره وجابوا الفطور وجاء وقت أول قووومه ...
كانت صعبه لكن الحمدلله كل شيء بأجره . القومه الثانيه أخف والثالثه أخفف وهكذا ..
جتني الدكتوره ، شيكت على بطني واعطتني حبوب ** للغازات وكذا دواء
وطلبت مني اشرب يانسووون و امشي كل ثلاث ساعات ١٠دقايق او ١٥ دقيقه
بديت على شوي شوي والحمدلله ..
الكحه هي اللي تعبتني مررره والبلغم ، الله يعظم الأجر .










تعبت وأنا أكتب 😰

اللي عندها أي استفسار أنا حاضره 😁

الحمدلله بنتي طيبة و مااحتاجت حضانه بسم الله على قليبها ..


وإلى الآن مابعد رضعتها :( أحس مره مافيني حيل